DONDONG MOḶANTUD 8:14 - Alkitab Singog In Mongondow Masa In Tanaa

¹⁴ Batoḷ in dodobku, angoidon naonda bo kijang, naonda bo ki adí in rusa kon buḷud in Beter.

DONDONG MOḶANTUD 8:14 Referans Kwoze

DONDONG MOḶANTUD 2:17

modapot in tompot doḷo-doḷom mogirup inta monginggamá kon sindip in doḷom. Pobuidon mangoi, batoḷ in dodobku, naonda bo kijang, naonda bo ki adí in rusa kon buḷud in Beter.

WAHYU 22:20

Sia inta nopoyaput in koyow mita tanaa in noguman, “Totuu, Akuoi in ḷagi bidon mamangoi!” Amin! Angoidon oo Tuhan Yesus!

WAHYU 22:17

Roho i Allah bo Nonikaan Bobay in noguman, “Koḻigai!” Ki ine in nokodongog kon naa musti moguman doman, “Koḻigaidon!” Ki ine in moyogang, pogamádon in sia kon tubig inta mobogoi in kobiagan tatua, bo diábí uboḻian.

PILIPI 1:23

Doyowa norupa naa in morigugut kon bonu in ginaku. Moibogdon in akuoi monaḷámai kon dunia naa bo mayá mogutun takin i Kristus, sin tuabí inta totok in mopia;

LUKAS 19:12

Ki Yesus in nongonguman nanaa, “Oyúon in tobatú intau moḷoben inta minayá in kotá inta noyayú sin baḻíon monia datu, mopaḷut mako kon tua sia in mobuidon mangoi kon ḻipúnea.

DONDONG MOḶANTUD 4:6

Moibog in akuoi mayá kon buḷud in taḷong mobondu, kon buḷud in kamania, modapot in mogirup in tompot doḷo-doḷom, inta monginggamá kon sindip in doḷom.

ULANGAN 12:15

Táe motaaubí in moiko moratá kon bobiagonmu bo mokaan kon tapúnea kon ondakabí in pinogutunanmu. Moiko in motaaubí in mokaan dapot in komampuan monimu kaanon in bayongan inta inogoi i Tuhan Allahmu kon inimu. Pomuḷoi in intau pinomayá inta nodarit ande inta nonajis, motaaubí in mokaan kon ponoyá tatua, ná doman tua moiko motaau mokaan kon tapú in kijang ande tapú in rusa.

DONDONG MOḶANTUD 2:7

Podandidon, ei mongodeaga mita in Yerusalem, podoyon kon rusa mita bo kijang mita kon kayuon, kon moiko in diábí monuyayow kon totabian, modapot in moguḻí in ibognea.