DONDONG MOḶANTUD 7:2 - Alkitab Singog In Mongondow Masa In Tanaa

² Putodmu naonda bo palo noḻimbung inta diá kon dodai in onda in kinodaitan in anggur inta ain pinoyobauk. Sianmu naonda bo pinosipunan kon gandum, iḻibu in bungang mita mobondu.

DONDONG MOḶANTUD 7:2 Referans Kwoze

SURAT I PAULUS KON JAMAAT RUM 7:4

Natua domandon in moiko utatku mita. Kon hukum agama in Yahudi, moiko ain minatoi, sin moiko ain sinobatú takin awak i Kristus bo nobaḻídon kapunyaan-Nea inta ain biniag bui nongkon kinopatoian. Sia biniag nongkon popatoi sinbá kita in mobaragunadon kon i Allah kon dodai in mobiagpa.

YEREMIA 1:5

“Kon dodai in Akuoi diápa nomia kon inimu kon bonu in sian i inámu, bo kon dodai in iko diápa pinononggadí, Akuoi ain nomiḻí kon inimu bo noduí kon inimu mobaḻí nabi kon bangusa mita.”

YESAYA 46:3

Indongogaidon in Akuoi, ei buí i Yakub, moiko komintan inta tonggagat in umat-Ku. Akuoi in nomiagdon kon i monimu pinangkoipamai kon moiko pinononggadí.

DONDONG MOḶANTUD 5:14

Ḻimanea moropot, nogisising in buḷawan inta iḷambáan in permata, awaknea naonda bo uwaḷa in gajah inta sinabudan in batu nilam.

AMSAL 3:8

Dodiamu tua in mobaḻí naonda bo undam kon inimu inta mokopia kon awakmu bo mokosanang kon ginamu.

MAZMUR 45:16

Mosia in morogiow takin pia in gina kon tungkuḷ in inatod tumuot kon komaḻig in datu!

DONDONG MOḶANTUD 7:1

O, mongodeaga inta motaingkat, mopia totok in sioḷmu momaké in silop tatua. Pongongawakmu naonda bo ḷambá, pinomia in intau mongongurig.

DONDONG MOḶANTUD 7:3

Tetému naonda bo ki adí in rusa doyowa, rusa apang doyowa.