DONDONG MOḶANTUD 6:2 - Alkitab Singog In Mongondow Masa In Tanaa

² Batoḷ in dodobku minayá in gobánea, kon gobá in toyokayu sin moḷukad kon domba mita kon gobá, bo mosipú kon bungang mita bakung.

DONDONG MOḶANTUD 6:2 Referans Kwoze

DONDONG MOḶANTUD 5:13

Putonginea naonda bo gobá in toyokayu inta mobondu, kuḻit in bibignea bungang bakung inta nopototuyú in taḷong mobondu taakan.

WAHYU 7:17

Sin ki Adí in Domba inta iḻimitú kon tampat pomomarentaan tatua in mobaḻí gombala monia, bo diaan-Nea in mosia mayá kon bokaká in tubig inta mokobiag. Bo inggamáandon i Allah in bayongan ḷuá kon mata monia.”

YOHANES 17:24

Amá, ibogon-Ku, sinbá mosia inta ain inogoi i Amá kon i-Nakó in moyotakin-Ku doman kon tampat inta bayáan-Ku, sinbá koontongandon monia in kamuliaan-Ku, inta ain inogoi i Amá kon i-Nakó. Sin Akuoi in kinotabi i Amá kon wakutu in dunia naa diápa pinomia.

YOHANES 14:3

Naonda in Akuoi mayádon moposadia in tampat kon i monimu, Akuoi in buibí mamangoi monontomu kon i monimu, sinbá kon onda in Akuoi, kon tua doman i moiko.

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

MATIUS 18:20

Sin kon onda in oyúon doyowa andeka toḷu intau moyosipun mosumba kon i-Nakó, yo Akuoi in kon tua kon yua-yuak monia.”

ZEPANYA 3:17

Moiko in iḷukadan i Tuhan Allahmu inta motorindog. Moiko in mountung popisí in kawasa-Nea. Mopia bo moḷunganga in gina i Tuhan sin moiko, kon bonu in tabi-Nea moiko in mobiag mobagu.

YEHEZKIEL 34:23

Akuoi in moduíbí kon datu tobatú inta ná mogogundoi-Ku ki Daud, sin baḻíon-Ku gombala monia totobatú tua, bo sia in moḷukad kon i monia.

YESAYA 61:11

Naonda bo bibit inta inambor mobiag mobaḻí pinomuḷa, natuata in ki Tuhan Allah nopobiag in kasaḷamatan bo bayongan in bangusa modayow kon i-Nia.”

YESAYA 58:11

Akuoi in umuranbí mokapit kon i monimu bo mopobotug kon i monimu kon butá inta noingkag; Akuoi in moḷukadbí kon i monimu sinbá umuran mosehat bo moropot. Moiko in nádon onda bo taman inta tugat in tubignea, naonda bo bokaká inta diá mogio-giot.

YESAYA 57:1

Intau mopia bo motoindudui minatoi, diá in nomangaḻe andeka nonaridimai. Naonda in minatoi, mosia in noiḷagui nongkon bodito bo nogogai takin dame.

YESAYA 40:11

Naonda bo gombala Sia in noḷukad kon paanan-Nea; Sia tontaní in mosipun kon i monia. Ki adí mita in domba koyotan-Nea, takin moḷukó in tosingogon Sia in modia kon i indenea mita.

DONDONG MOḶANTUD 6:11

Akuoi namangoi kon gobá in upai, moindoi kon bungang mita kon ḷopá; degá pangkoi in anggur nonubudon, bo pangkoi in delima nonoburdon.

DONDONG MOḶANTUD 4:12

Batoḷ in dodobku in gobá inta dininding, gobá dininding, bokaká inta kinunsían.

DONDONG MOḶANTUD 2:16

Batoḷ in dodobku kapunyaanku, bo akuoi sia in kitogi, sia in noḷukad kon dombanea mita kon sigad in bungang mita bakung

DONDONG MOḶANTUD 4:5

Tetému naonda bo ki adí in rusa doyowa, ki adí in kijang apang inta koyogot in moranut kon bonok kon yua-yuak in bungang mobondu.

DONDONG MOḶANTUD 4:16

Pobangondon, ei tompot in utuan, angoidon, ei tompot in toḷatan! Pogirupdon kon gobáku, sinbá bondunea in kobóan. Igumon mako batoḷ in dodobku mamangoi kon gobánea, bo mokaan kon bungainea mita inta mopia in nanamnea.

DONDONG MOḶANTUD 5:1

Akuoi in namangoi in gobáku, batoḷ in dodobku, buḷoiku, sinipunku in taḷong mobondu bo toyokayuku mita; kinaanku in ḻipú in pasukan bo bilukku, ininumku in susu bo tubig in anggurku. Pongaan bo ponginumdon yobayat mita, ponginumdon modapot in moḷoḷangu in totabian.