DONDONG MOḶANTUD 6:1 - Alkitab Singog In Mongondow Masa In Tanaa

¹ Minayá onda in batoḷ in dodobmu, ei bobay inta totok in moḷunat? Minayá onda in batoḷ in dodobmu, sinbá kami tumakin motayak kon inia?

DONDONG MOḶANTUD 6:1 Referans Kwoze

DONDONG MOḶANTUD 5:9

Yo degá batoḷ in dodobmu noiḻiu kon batoḷ in dodob mita ibanea, ei mongodeaga inta totok in moḷunat? Degá batoḷ in dodobmu noiḻiu kon batoḷ mita in dodob ibanea, modapot in iko nopotabá kon inami modandi?

DONDONG MOḶANTUD 1:8

Umpaka dá diá kotaauanmu in tampatnea, uḻeku inta totok in moḷunat kon sigad in bobay mita? Duduiaidon in ḻiod in paanan domba, bo ḷukadaidon in bembému mita kon diug in ḷoḷaigan in gombala mita.

YEREMIA 14:8

Tongábi Iko tontaní in nobaḻí kamang Israel, inta noposaḷamat kon inami nongkon anib. Táe nongonu sin Iko in naondabí bo intau ango-angoi kon butá nami, naonda bo mobobayá inta tongá nongandup togobii bo minayá bui?

RUT 2:12

Poigumon mako ki Tuhan in mobogoi in tontuḻí kon bayongan in aidmu inta mopia. Poigumon mako iko in motarima kon onu inta patus ogoi i Tuhan, Allah in Israel kon inimu, sin iko ain namangoi mokiḷukad kon i-Nia!”

YESAYA 2:5

Ei, buí i Yakub, igai in kita dumudui kon bayag i Tuhan!

DONDONG MOḶANTUD 6:4

Moḷunat in iko, batoḷ in dodobku, ná koḷunat kotá in Yerusalem, ná kogaga in kotá in Tirzah. Iko in totokbí in mokoangá naonda bo tontara mita kodia-dia in banderanea.

DONDONG MOḶANTUD 2:2

Naonda bo bungang bakung kon yuak in bo bonganga, natuata in batoḷ in dodobku kon sigad in mongodeaga mita.

DONDONG MOḶANTUD 1:4

Mokopoḷamemet in kita, o datuku, diádon in akuoi tumuot in gopotmu. Sin popisí in iko dá moḷunganga totok in gina nami, bo modayow kon totabimu in moiḻiu kon anggur; patusdon in mongodeaga mita moibog kon inimu!

DONDONG MOḶANTUD 5:6

Binukatanku in ḷoḻingkop sin tuotan in batoḷ in dodobku, táe nomurowdon in sia bo minayá. Mokotanob totok in akuoi mokidongog kon singognea; sinayakku in sia, táe diá nouḻíku. Kinuukku in tangoinea, táe diá sinumubag in sia.