DONDONG MOḶANTUD 5:5 - Alkitab Singog In Mongondow Masa In Tanaa

⁵ Dá nobangondon in akuoi sin momukat kon ḷoḻingkop tuotan in batoḷ in dodobku. Taḷong mobondu mototuyú nongkon ḻima bo gongguyamúku mita, nomuntad kon kokadaian in ḷoḻingkop.

DONDONG MOḶANTUD 5:5 Referans Kwoze

DONDONG MOḶANTUD 5:13

Putonginea naonda bo gobá in toyokayu inta mobondu, kuḻit in bibignea bungang bakung inta nopototuyú in taḷong mobondu taakan.

EPESUS 3:17

Igumondon mako ki Kristus inta pinirisaya monimu in mogutundon kon bonu in gina monimu bo moiko in mobiag moidoyon kon bonu in tabi.

WAHYU 3:20

Indoiai! Akuoi in sinimindog kon tayowon in ḷoḻingkop bo nonangkokó. Aka oyúon in intau nokodongog kon singog-Ku bo momukat kon ḷoḻingkop; dá tumuot in Akuoi bo mokipodungkuḷ kon inia bo mongaan moyotakin in kaminda.

KORINTUS 2 7:7

Gina nami in nosanang, deeman tongá lantaran kinoangoian i Titus, táe lantaranbí doman nongonguman in sia kon kopopia in ginanea wakutu in sia kon yua-yuakpa monimu. Pinogumannea kon inami kon totok in mokotanob bo moibogdon totok in moiko moyodungkuḷku; bo oyúondon in panasaḷan monimu kon bayongan in aid mita monimu inta koḻipod dapot in moibogdon mobela kon i nakó in moiko. Tua komintan in nokodugang kon ḷunganga in ginaku.

LUKAS 12:36

notongkai in bobantung mita inta umuran mogoḷat mako kon i tuangnea mobui mangoi nongkon pinonikaan. Aka ki tuangnea tatua mobuidon bo monangkokó kon ḷoḻingkop, yo baḷúbí bukatan monia in ḷoḻingkop.

DONDONG MOḶANTUD 5:2

Akuoi in nosiug, táe ginaku in nobangon. Indongogaidon, batoḷ in dodobku nonangkokó kon ḷoḻingkop. Bukataipa in ḷoḻingkop, uḻe, batoḷ in dodobku, paḷomaku, intau inta totok in kinotabiku; uḷuku nobuntad in oḷú, buokku nobuntad in oḷú doḷom.

DONDONG MOḶANTUD 3:6

Onu degá intua inta namangoi nongkon padang gurun, naonda bo poyok nosipun? Kobondunea in naonda bo taḷong mobondu bo kamania, bo pupur mita mobondu nongkon mopopotaḷui.

DONDONG MOḶANTUD 1:16

Totuu mogaga in iko, uḻeku totuu kon mogagabí in iko! Posiugan naton kon tudu in bonok moḷunow.