DONDONG MOḶANTUD 5:4 - Alkitab Singog In Mongondow Masa In Tanaa

⁴ Modoḷodok totok in ginaku sin batoḷ in dodobku nokadai kon kokadaian in ḷoḻingkop.

DONDONG MOḶANTUD 5:4 Referans Kwoze

PILIPI 2:13

Sin ki Allahbí in mopogonú kon ginamu sinbá moibog bo mokosanggup moposanang in gina i Allah in moiko.

KORINTUS 2 8:16

Sukurdon mako kon i Allah, sin ki Titus in pinoporajing-Neapa naonda bo kami inta umuran noibog notuḷung kon i monimu!

OUMAN IN RASUL MITA 16:14

Tobatú kon sigad monia tua in intau inta mopopotaḷui in kaeng nopars. Ki Lidia in tangoinea. Sia in intau nongkon Tiatira inta totok motoindudui kon i Allah. Tuamai iḻiai i Tuhan in ginanea sinbá tarimaannea onu in pinotaau i Paulus kon inia.

DONDONG MOḶANTUD 1:4

Mokopoḷamemet in kita, o datuku, diádon in akuoi tumuot in gopotmu. Sin popisí in iko dá moḷunganga totok in gina nami, bo modayow kon totabimu in moiḻiu kon anggur; patusdon in mongodeaga mita moibog kon inimu!

MAZMUR 110:3

Kon singgai iko mamangoi takin kawasa, kon buḷud inta motusi, rayatmu in mayá takin ibog tontaní. Naonda bo oḷú doḷo-doḷom, tayowmobiag mita mamangoi kon inimu.

DATU MITA IMITÁNEA 3:26

Nokodongogmai kon parenta tatua, ki iná totok in adí tatua noguman, “Ampung, Tuang datu, dika ḻimodon in adí tatua. Ogoidon mako kon inia.” Ki iná tatua noguman natua sin motabi totok in sia kon i adínea. Táe bobay ibanea tatua in noguman, “Oo, pongkódon mako, bá tumpaḷa diá in mokouḻí in kaminda!”

KINOBAḺIAN 43:30

Gina i Yusup totokdon in morobonoḷ sin dinia in tanob bo tabinea kon i ai-ainea. Gogió bo diádon in sia mokotahang kon ginanea, tuamai sia in baḷúdon minayá nongkon tua bo sinumuot in sia kon gopot poḷat nongombaḷ.

KINOBAḺIAN 7:11

Kon tungkuḷ in ki Nuh umur onom nogatut notaong, kon tanggal mopuḷú bopitu buḷan nogindua, nobokatdon in bayongan bokaká kon ḻimonag in butá naa. Bayongan ḷoḻingkop in tubig kon ḷangit nobukat,

YEREMIA 31:20

Israel, iko in adí inta kinotabi-Ku totok, adí inta totok in kinotabi, batoḷ in dodob-Ku. Pomuḷoi indoyóon-Ku in iko kotoropan-Ku in iko takin tanob. Iko in pinomia-Ku takin nopuḻing in tabi.