DONDONG MOḶANTUD 5:2 - Alkitab Singog In Mongondow Masa In Tanaa

² Akuoi in nosiug, táe ginaku in nobangon. Indongogaidon, batoḷ in dodobku nonangkokó kon ḷoḻingkop. Bukataipa in ḷoḻingkop, uḻe, batoḷ in dodobku, paḷomaku, intau inta totok in kinotabiku; uḷuku nobuntad in oḷú, buokku nobuntad in oḷú doḷom.

DONDONG MOḶANTUD 5:2 Referans Kwoze

WAHYU 3:20

Indoiai! Akuoi in sinimindog kon tayowon in ḷoḻingkop bo nonangkokó. Aka oyúon in intau nokodongog kon singog-Ku bo momukat kon ḷoḻingkop; dá tumuot in Akuoi bo mokipodungkuḷ kon inia bo mongaan moyotakin in kaminda.

DONDONG MOḶANTUD 2:14

O paḷomaku kon sigad in batu, kon pinogadopan kon obaga mita in buḷud inta mosindog, pomayádon mako ontongonku in pogotmu, bo mokodongog kon singogmu, sin pogotmu moḷunat, dondongmu in mopia.

ZAKHARIA 4:1

Malaekat inta ain noyosingogku tua in namangoi bui kon inakó bo noguḷung bui kon inakó naonda bo noguḷung kon intau inta nosiug.

DONDONG MOḶANTUD 6:9

táe tongábí tobatú in paḷomaku, inta kino sanangku, adí tuḷong kotabi-tabi i inánea. Mongodeaga mita moindoi bo modayow kon inia, buḷoi mita in datu bo pahang moibog kon inia.

MAZMUR 119:1

Pia in kamang in intau inta nobiag diá in bogit bo notoindudui kon hukum mita i Tuhan.

MATIUS 8:17

Tua mita in mobaḻí sinbá motompodon Pirman inta pinoyaput i Nabi Yesaya, nanaa, “Sia tua in nomotaan kon yoyiga bo mongundam kon panyaki naton.”

YESAYA 52:14

Dungkuḷmai nobayong in intau in noitaḻikokog in nokoontong kon inia, pogotnea in pinoguyaat dá deemandon ná pogot in intau.

YESAYA 50:6

Inogoiku in ḻikudku kon intau inta nomongkug kon inakó; bo putongiku kon intau inta norabut kon kumiku. Akuoi in diábí nopoḷagui in pogotku kon tungkuḷ in akuoi siningkuḻe bo dinuyáan.

DONDONG MOḶANTUD 8:7

Tubig mobarong in diábí mokoinggamá kon tanob, bo ḷunud in diábí mokoiḻig kon inia. Aka intau tobatú mobogoi in bayongan kapunyaannea sin motaḷui kon tanob, yo notantú bidon kon tongábí singkuḻe in mouḻínea.

DONDONG MOḶANTUD 7:9

bibigmu ná koromimit in tubig in anggur! Pomayádon mako sinbá anggur tatua moiḻig mayá kon batoḷ in dodobku, inta diá moobo-obot; bo mokopomuká kon totanoban, modapot in kon intau mita inta koyogot mosiug.

DONDONG MOḶANTUD 5:11

Uḷunea naonda bo buḷawan, buḷawan taakan, buoknea noḻikog bo norondí, ná korondí in kawag.

DONDONG MOḶANTUD 4:9

Iko in mokosanang kon ginaku, batoḷ in dodobku, nonikaanku, pooindoimu in nokoangá kon ginaku, takin permata mogaga kon boboḷmu.

DONDONG MOḶANTUD 4:7

Totuubí moḷunat in iko, batoḷ in dodobku, diábí in bogit kon inimu.

DONDONG MOḶANTUD 3:1

Doḷom, kon tosiuganku, kon bonu in togoindop sinayakku in batoḷ in dodobku; sinayakku in sia, táe diá nouḻí.

DONDONG MOḶANTUD 2:10

Indongogai, batoḷ in dodobku noguman kon inakó. Angoidon batoḷ in dodobku, igaidon ḷunatku!

DONDONG MOḶANTUD 2:8

Indongogai! Batoḷ in dodobku namangoi! Sia in naonda bo ki adí in rusa andeka kijang. Mosimbanan kon buḷud mita moḷantud, mosimbanan kon buḷud mita moompá. Indoiai, sinimindog in sia kon ḻikud in dinding, matanea motayak magí-mako; motarap nongkon bubú in jandela.

AMSAL 23:26

Tondudut kopira bo duduidon kon kobobiagku, adíku!

MAZMUR 81:10

Dikabí in oyúon in kon sigadmu in ilah ibanea, dikabí mosumba kon ilah ibanea.

KINOBAḺIAN 29:20

Dá ki Yakub in nogaidon pitupa notaong in koonggotnea sinbá sia in motaau motonibuḷoi takin i Rahel, táe korasaannea pitu notaong tua in tongá inanggapnea naonda bo tongonumai nosinggai, sin popisí in ibognea totok kon i Rahel tua.

WAHYU 14:4

Mosia tua intau inta umuran nodarit naonda bo porawan, sin mosia in diábí mosiug takin bobay. Mosia in umuran dumudui magí-mako kon i Adí in Domba kon ondakabí in bayáan-Nea. Mosia in sinobutdon nongkon sigad in intau mita. Mosia tuata inta ain pinobebas bo inogoi saḷaku sosumba inta muna kon i Allah bo kon i Adí in Domba tatua.

WAHYU 3:4

Táe kon yua-yuak monimu inta kon Sardis oyúonpa in intau inta noḷukad mako sinbá ḷambungnea in umuran modarit. Mosia tua in mayá moyotakin-Ku takin mogiḷambung mobudó, sin mosia in patusbí motarima kon tua.

EPESUS 5:14

Tuamai singog in nanaa, “Pobangondon, moiko inta nosiug, bo pobangondon nongkon sigad in intau minatoi! Dá sambayanganbí i Kristus in moiko.”

GALATIA 2:20

Tongá akuoi in nobiag, táe deeman bidon akuoi, sin ki Kristus bidon in naa kon awakku. Bo kobobiagku tanaa mako in kobobiag bidon inta pinodoyon kon pirisayaku kon i Adí i Allah inta notabi kon inakó, bo inta ain noposarakan in awak-Nea tontaní sin kopontinganku.

YOHANES 10:4

Bo naonda in kon ḷuaidon in domba mita tatua, gombala tatua in mayá umuna kon i monia, bo dombanea mita in dumuduianmai.

LUKAS 22:44

Tantúdon moondok in Sia, dá umurandon in Sia mosambayang. Uḷat-Nea in naonda bo dugú motait kon butá.]

LUKAS 9:32

Wakutu intua ki Petrus takin yobayatnea mita nosiug, táe naonda in mosia noibangon inontong monia in sindar motarang nonimbayag kon i Yesus bo intau doyowa sinimindog kon diug-Nea.

LUKAS 6:12

Wakutu intua ki Yesus notakod kon buḷud sin mayá mosambayang. Sia in nosambayang kon tua tonggobiita.

MARKUS 1:35

Nopoikoḷomai kon singgai, subupa, nobangondon in ki Yesus bo iḷumuai. Sia minayá in tampat inta noitontaní bo nosambayang kon tua.

DANIEL 8:18

Koyogot in sia mosingogmai, notambuḷoḷok in akuoi. Táe kinadaiannea in akuoi bo sinuḷungan pinosindog bui. Bo sia in noguman,

MATIUS 7:8

Sin pomuḷoi in intau inta moigum motarima; bo intau inta motayak in mokouḻí; bo intau inta monangkokó, pobukatan kon ḷoḻingkop.

DONDONG MOḶANTUD 1:16

Totuu mogaga in iko, uḻeku totuu kon mogagabí in iko! Posiugan naton kon tudu in bonok moḷunow.

DONDONG MOḶANTUD 5:6

Binukatanku in ḷoḻingkop sin tuotan in batoḷ in dodobku, táe nomurowdon in sia bo minayá. Mokotanob totok in akuoi mokidongog kon singognea; sinayakku in sia, táe diá nouḻíku. Kinuukku in tangoinea, táe diá sinumubag in sia.