DONDONG MOḶANTUD 4:8 - Alkitab Singog In Mongondow Masa In Tanaa

⁸ Koḻigai in kita mosiḻig nongkon Libanon, nonikaanku, koḻigai mosiḻig nongkon Libanon. Posiḻigdon nongkon tudu in Amana, nongkon tudu in Senir bo Hermon, tampat pogogutunan in macan tutul bo singa.

DONDONG MOḶANTUD 4:8 Referans Kwoze

ULANGAN 3:9

Buḷud in Hermon sinangoi intau in Sidon ‘Siryon’ bo sinangoi intau in Amori ‘Senir’.)

DONDONG MOḶANTUD 2:13

Pangkoi in ara momangkoidon momungai, pangkoi in anggur kobóandon in toburnea. Angoidon batoḷ in dodobku, igaidon ḷunatku.

MAZMUR 45:10

Kon sigad in dayang-dayang in komaḻig oyúon in ki adí mita bobay i datu. Kon dotá in koḷanan pomomarentaan oyúon in ki buḷoi i datu takin nopoḷambá in buḷawan taakan.

TAWARIKH 1 5:23

Tongosilai in suku Manasye in nogutun kon butá in Basan nodapot kon utuan kino ouput in Baal-Hermon, Senir bo Buḷud in Hermon. Koonggot-koonggot kobayong-kobayong in mosia.

YOHANES 12:26

Intau inta moibog mogaid kon oaidan-Ku musti dumudui kon i-Nakó kon ondakabí in bayáan-Ku; sinbá kon onda in bayáan-Ku yo kon tua doman in sia. Intau inta mogaid kon oaidan-Ku horomatonbí i Amá-Ku.”

YESAYA 62:5

Naonda bo tayow mobiag tobatú inta nongantang kon mongodeaga, natuata in momomaḻímu in mononibuḷoi kon inimu. Naonda bo nonikaan tobatú mopia in ginanea in nokoontong kon i buḷoinea bobay, natuata in ki Allah mopia in gina-Nea kon inimu.

DONDONG MOḶANTUD 7:11

Koḻigai in kita mayá in rawang, uḻe batoḷ in dodobku, bo mosiug kon gobá kon yua-yuak in bungang totabian.

DONDONG MOḶANTUD 5:1

Akuoi in namangoi in gobáku, batoḷ in dodobku, buḷoiku, sinipunku in taḷong mobondu bo toyokayuku mita; kinaanku in ḻipú in pasukan bo bilukku, ininumku in susu bo tubig in anggurku. Pongaan bo ponginumdon yobayat mita, ponginumdon modapot in moḷoḷangu in totabian.

AMSAL 9:6

Taḷaaidon in kobobodok, sinbá mosanang in iko. Duduiaidon in daḷan in intau moarip.”

MAZMUR 76:4

Kon tua irimumud-Nea in bayongan pakakat in parang, bayongan piot mopouḻi-uḻinag, kaḻeaw bo kedang.

MAZMUR 76:1

Kon i itoi in mododondong. Takin ito-itog kecapi. Mazmur i Asap. Dondong.

DATU MITA IMITÁNEA 4:33

Sia in mokosanggupbí in mosingog soaḷ pangkoi mita in kayu bo pinomuḷa mita – nongkon pangkoi in ḷokuyú in Libanon nodapot kon bonok hisop inta nobiag kon dinding mita in batu. Sia in nongonguman doman kon soaḷ bobiagon kon toba bo bobiagon ḷumoḷayug, bobiagon ḷumandai bo toyá.

YOSUA 12:1

Butá inta kon dotá in pomukaan kon Yordan, nongkon Ḷopá in Ongkag Arnon bo notakod monik kon Ḷopá in Yordan nodapot kon nouput in Buḷud in Hermon kon dotá in utuan, aindon inagow bo iḻitúan in intau Israel. Doyowa in datu in sinaḷow monia.

ULANGAN 3:25

Ogoipa in akuoi ḷumoḷan kon Ongkag in Yordan, o Tuhan, sin moindoi kon butá inta mopia kon ḷoḷan, buḷud inta mogaga bo Buḷud in Libanon.

DATU MITA 2 5:12

Ongkag in Abana bo Parpar kon Damsyik in mopia-pia kon bayongan in ongkag kon Israel! Motaaubí in akuoi moyinggú kon tua bo mopiadon!”

MAZMUR 72:16

Igumon mako gandum in bontu-bonturung kon sinangkub in butá, bo tombuḷudnea mita mopuḻing in bungai in pinomuḷa. Igumon mako butánea in moḷumbá naonda bo Buḷud in Libanon, bo intau in kotánea in modugang naonda bo bonok kon rawang.

MAZMUR 89:12

Ḷangit bo butá Iko in kitogi, dunia bo bayongan in tombonunea Iko in nomaḻí.

YEHEZKIEL 27:5

Dindingmu in kayu aras in Buḷud Hermon oigi in ḻeagmu in kayu ḷokuyú nongkon Libanon.