DONDONG MOḶANTUD 2:5 - Alkitab Singog In Mongondow Masa In Tanaa

⁵ Iropotaidon in akuoi takin romimit in bungai anggur, posehatdon in akuoi in bungai apel, sin takitku naa in takitbí mokotanob kon batoḷ in dodob.

DONDONG MOḶANTUD 2:5 Referans Kwoze

DONDONG MOḶANTUD 5:8

Podandidon, ei mongodeaga mita in Yerusalem, aka moyodungkuḷ in batoḷ in dodobku, potaaudon kon inia, kon takitku naa in takitbí in tanob.

HOSEA 3:1

Ki Tuhan in noguman kon inakó, “Bayádon bui bo kotabi in bobay tobatú inta moibog mokituaḻing. Kotabidon in sia ná doman Akuoi notabi kon intau in Israel umpaka mosia ain nonaḷámai kon i-Nakó bo nosumba kon ilah mita ibanea poḷat doman noposumba in kukis kismis kon berhala.”

SAMUEL 2 6:19

Bodongka nosilai kon kaanon kon i monia komintan. Bayongan in intau inta kon tua, ḷoḷaki andeka bobay inogoiannea in ponoyá tumongo bonsig inta inangag, roti bo kukis kismis. Nopaḷut mako kon tua nobuidon in mosia kon baḷoinea-baḷoinea.

PILIPI 1:23

Doyowa norupa naa in morigugut kon bonu in ginaku. Moibogdon in akuoi monaḷámai kon dunia naa bo mayá mogutun takin i Kristus, sin tuabí inta totok in mopia;

LUKAS 24:32

Bo mulaidon mosigumanan in mosia, kai monia, “Tuamai porasaan naton ná bí tumagab wakutu in Sia nongonguman naton kon daḷanpa, bo noginsilang kon bonu in Buk Motusi kon i naton?”

DONDONG MOḶANTUD 7:8

Moibog in akuoi moponik kon pangkoi in kurma tatua, bo mogamá kon bungainea mita. Igumon mako in tetému in naonda bo simpungoian in bungai in anggur, tompot poginaanmu ná kobondu in bungai in apel,

MAZMUR 63:8

sin Ikobí inta ain notuḷung kon inakó; kon bonu in siungan koḻikip-Mu akuoi in modondong pia in gina.

TAWARIKH 1 16:3

bo nosilai kon kaanon kon i monia komintan. Kon batúan in intau inta kon tua pinomayá ḷoḷaki andeka bobay nokouḻí kon ponoyá tobonsig inta ain inangag, roti bo kukis kismis.