DONDONG MOḶANTUD 1:12 - Alkitab Singog In Mongondow Masa In Tanaa

¹² Kon dodai in ki datuku kon tosiugannea, bo mobondu in ḷana narwastuku.

DONDONG MOḶANTUD 1:12 Referans Kwoze

YOHANES 12:3

Noiduduimai kon tua, ki Maria in namangoi takin kodia-dia in ḷana mobondu narwastu inta totok in momahaḷ in boḻinea degá tobotakmai in liter. Pinopobutaknea in ḷana tatua kon sioḷ i Yesus, onda intua iradatannea bui in buoknea. Dá tombonu in baḷoi tatua nobondudon in bo ḷana tatua.

WAHYU 3:20

Indoiai! Akuoi in sinimindog kon tayowon in ḷoḻingkop bo nonangkokó. Aka oyúon in intau nokodongog kon singog-Ku bo momukat kon ḷoḻingkop; dá tumuot in Akuoi bo mokipodungkuḷ kon inia bo mongaan moyotakin in kaminda.

PILIPI 4:18

Bayongan inta paraḷuonku inogoidon monimu kon inakó, sedang bo noiḻiudon kon tugat! Bayongan inta inogoi monimu inta pinoki dia kon i Epaproditus aindon sinarimaku. Dá tanaa mako komintandon oyúon in onu inta paraḷuku. Bayongan inta inogoi monimu kon inakó tua naonda bo kobondu in kuruban inta pinosumba kon i Allah bo inta sinarima domandon i Allah takin pia in gina.

MARKUS 14:3

Naonda in ki Yesus kon Betaniadon kon baḷoi i Simon inta koḻipod kinotugatan in takin kuḻit mokorongó, indoianmai namangoidon in tobatú bobay kodia-dia in botoḷ in ḷana narwastu inta momahaḷ totok inta inaidan nongkon uakat mobondu. Wakutu in ki Yesus yogot mongaan, iḷosidon in bobay tatua botoḷ in ḷana nobondu tatua bo pinoginggúnea kon uḷu i Yesus in bonunea.

MATIUS 25:34

Bo Datu tatua in moguman kon i monia inta kon dotá in koḷanan-Nea, ‘Igai, in moiko inta binarakatan i Amá-Ku, tuotdon kon dodatuan inta aindon sinadia kon i monimu kon wakutupa in dunia naa bagupa binaḻí.

MATIUS 22:11

Naonda in datu tatua sinumuot sin mokipodungkuḷ kon mokokiangoi mita tatua. Sia nokoontong kon intau tobatú inta diá nogiḷambung in ḷambung pororame.

MATIUS 22:4

Sia in nopotabá bui kon bobantungnea mita ibanea, takin koyow, ‘Pogumandon kon intau mita inta ain sinoko oiní tatua: Kon bayongan kaanon aindon sinadiaku. Sapi mita koḷakian, bo biag inta sinokopiaraku aindon iratá. Bo komintan tua aindon sinadia kon meja. Angoidon in rame ponikaan i adíku singgai in naa!’

DONDONG MOḶANTUD 7:5

Uḷumu naonda bo Buḷud in Karmel; buokmu inta sinuḷapid naonda bo aḻibobag, mokosanang in moindoi umpaka datu.

MAZMUR 45:1

Mazmur in inanakan i Korah. Dondong tabi. Kon i itoi in mododondong. Podudui in nada: Bungang bakung.

DONDONG MOḶANTUD 1:11

Pogaidan nami kon ḷambá buḷawan in iko, manik-manik doman mita nongkon saḷaka.