DATU MITA IMITÁNEA 1:3 - Alkitab Singog In Mongondow Masa In Tanaa

^3-4 Bo sinayakdon kon bayongan in Israel in mongodeaga tobatú inta totok in moḷunat. Dá nouḻídon kon Sunem in mongodeaga tobatú inta totok in moḷunat tangoinea in ki Abisag. Dinia in sia minayá kon i datu, bo iḷukadannea in ki datu poḷat sinompiamai. Táe diábí siniugan i datu in sia.

DATU MITA IMITÁNEA 1:3 Referans Kwoze

YOSUA 19:18

Noibonu kon butá monia tua in: Yizreel, Khesulot, Sunem,

ESTER 2:4

Nopaḷut mako kon tua, ki Tuang in mustidon momiḻí kon mongodeaga inta kinoibog totok i Tuang, bo mopobaḻí kon inia bokí nobaḻí toḻiu i Bokí Wasti.” Noibog in ki datu kon tonggina tatua bo inaidannea.

ESTER 2:2

Manangka intua monononggina mita inta modagin kon i datu in nopoyaput in tosingogon noiduduimai naa, “Maníka bo potayakandon kon mongodeaga inta moḷunat in ki Tuang.

DATU MITA 2 4:8

Kon Sunem oyúon in bobay tobatú inta nooyúon. Kon singgai tobatú kon dodai in ki Elisa minayá in Sunem, bobay tatua in nogoiní kon inia nongaan. Pinangkoi kon tua pomuḷoi in ki Elisa mongandup kon Sunem mongaan in sia kon baḷoi in bobay tatua.

SAMUEL 1 28:4

Dá naonda in tontara in Pilistin noyosipun bo nononḷoḷaigan kon diug in kotá in Sunem, ki Saul nosipundon kon intau in Israel, bo nononḷoḷaigan in mosia kon Buḷud in Gilboa.

DATU MITA 2 4:25

Dá nobuatdon in bobay tatua minayá in Buḷud in Karmel kon tampat i Elisa. Nongkon noyayúpa inontongdon i Elisa in bobay tatua nopoangoi. Ki Elisa in noguman kon i Gehazi, “Indoiai, ki iná nongkon Sunem tatua in namangoi!

DATU MITA IMITÁNEA 1:2

Bo pogawainea mita in noguman, “Inta momulia, maníka potayakan nami kon mongodeaga tobatú inta mogutun moyotakin i Tuang datu bo monompia kon i Tuang datu. Mosiugdon in sia moyotakin i Tuang datu sinbá umatúdon in awak i Tuang.”