DATU MITA 2 9:21 - Alkitab Singog In Mongondow Masa In Tanaa

²¹ “Sadia in keretaku,” parenta i Datu Yoram. Kereta in sinadia bo ki Yoram takin ki Datu Ahazia in nobuat minayá nokipodungkuḷ kon i Yehu, kon batúannea sinumakoi kon keretanea-keretanea. Noyodungkuḷ in mosia i Yehu kon gobá inta koḻipod kapunyaan i Nabot.

DATU MITA 2 9:21 Referans Kwoze

TAWARIKH 2 22:7

Ki Allah in nonantúdon kon ki Ahazia in matoibí kon dodai in sia mokipodungkuḷ kon i Yoram. Kon pinoyodungkuḷan tatua ki Ahazia bo ki Yoram in sinayowan in intau tobatú inta ki Yehu in tangoinea ki adí i Nimsi, inta ain piniḻí i Tuhan moyompat kon motoḷuadí i Datu Ahab.

MIKHA 1:13

Moiko intau in Lakhis, pasdon in kabaḷo kon kereta in parang! Moiko in dinumayan kon dosa mita inta inaidan kon Israel dá nokopopisí kon Yerusalem in binaradosa domandon.

DATU MITA IMITÁNEA 20:14

“Ki ine in musti monubu muna?” Ki Ahab in noḻibó. Nabi tatua in notubag, “Tontara mita inta baguneapa, totakin in bupati mita. Natua in guman i Tuhan.” “Bo ki ine in musti modia mayá monubu?” datu tatua in bui noḻibó. “Ki tuang datu tontaní,” tubag i nabi tatua.

PINOGIAPAN 20:14

Onda intua nongkon Kades, ki Musa nopotabá in totabá mita sin mayá mokipodungkuḷ kon i datu in Edom. Guman monia, “Kami in nongkon suku mita in Israel inta oyúonpa in tondoḷ in kompong i Tuangku. Degá kinotaauan bidon i Tuangku in yoyiga inta noiantug kon inami.