DATU MITA 2 5:11 - Alkitab Singog In Mongondow Masa In Tanaa

¹¹ Nokodongogmai kon tua, sinumorú in ki Naaman bo noguman, “Kon inakó kamai dá siabí tontaní in ḷumuai bo mokipodungkuḷ kon inakó, bo mosambayang kon i Tuhan, Allahnea, bo moyapu kon awakku inta kinotugatan in takit tatua bo mopiadon in akuoi.

DATU MITA 2 5:11 Referans Kwoze

IBRANI 12:25

Manangka intua mokopoingat, sin dikabo moiko in doídon mokidongog kon i-Nia inta nosingog tatua. Mosia inta doí mokidongog kon i-Nia inta namangoi in dunia naa bo inta nopoyaput in koyow nongkon i Allah, diábí mokoḷagui. Apa doman kita naa inta nokodongog kon i-Nia inta nosingog nongkon soroga! Aka kita bo doí mokidongog kon i-Nia, yo diábí mokoḷagui in kita!

YOHANES 13:20

Naa in poguman-Ku kon i monimu: Ki ine in motarima kon intau inta pinotabá-Ku, yo sia in notarima kon i-Nakó. Bo ki ine in motarima kon i-Nakó, yo Sia tua in notarimadon kon i-Nia inta nopotabá kon i-Nakó.”

YOHANES 4:48

Ki Yesus in noguman kon pogawai in komaḻig tatua, “Aka moiko bo diá nokoontong kon inta mokoherang mita, yo tantú diábí in moiko mopirisaya.”

LUKAS 14:11

Sin ki ine in mosiḷantud, yo popoompáan, táe ki ine in moompá in dodia, yo sia in poḷantudon.”

MATIUS 19:22

Naonda in tayowmobiag tatua nokodongog kon singog i Yesus tatua, minayá in sia takin ajar in ginanea, sin totok mobarong in kapunyaannea.

MATIUS 15:27

Bobay tatua in notubag, “Totuubí intua Tuhan, táe ungkú tatua in nokaan doman kon muyo-muyok in kaanon inta noḷabú kon meja i tuangnea.”

MATIUS 8:8

Táe porwira tatua in notubag: “Donaaidon Pak Guru, sin diá mokobaḻí in akuoi motarima kon i Pak Guru kon baḷoiku. Ogoiaidon in tosingogon tongákabí totontagá, yo notantú kon mopiabí in bobantungku tatua.

AMSAL 13:10

Ḷoḷatú tongábí mokopopisí kon porogenggengan; intau inta mobijaksana moibog motarima kon totundú.

AMSAL 3:7

Dikabí kainimu kon iko in mopando-pandoi nongkon inta sabanarnea; pokotoindudui kon i Tuhan bo pokopoyayú kon inta moraat.

AMSAL 1:32

Intau inta diá kopongalaman in matoibí popisí in doí motarima kon inakó, bo intau inta bodok in morimumudbí popisí in doí mopandungmai kon inakó.

KINOBAḺIAN 20:7

Táe tanaa, pobuidon in sia kon i buḷoinea. Ki buḷoinea in tobatúbí nabi, bo sambayangannea in iko sinbá diá matoi. Táe aka diá pobuimu in sia, yo pokotaaudon, iko bo bayongan rayatmu in matoi!”

DATU MITA 2 5:10

Ki Elisa in nopotabá kon bobantungnea sin moguman nanaa kon i Naaman, “Bayádon Tuang poinggú bo dumoḷop kopitu kon Ongkag in Yordan, dá totu-totuubí kon mopia in ki Tuang.”

DATU MITA 2 5:12

Ongkag in Abana bo Parpar kon Damsyik in mopia-pia kon bayongan in ongkag kon Israel! Motaaubí in akuoi moyinggú kon tua bo mopiadon!”

DATU MITA 2 4:5

Dá nobuidon in bobay tatua kon baḷoinea. Naonda in sia bo ki adínea mita sinumuot bo noḻingkop kon ḷoḻingkop in baḷoi, sia in nogamá kon botoḷ nointok inta kon bonu in ḷana zaitun tatua, bo nogaḻin kon ḷana tatua kon botoḷ mita inta inogoi i adínea mita kon inia.