DATU MITA 2 4:1 - Alkitab Singog In Mongondow Masa In Tanaa

¹ Kon singgai tobatú ki baḷú in nabi tobatú in minayá kon i Elisa bo noguman, “Amá, ki buḷoiku in minatoidon! Bo kinotaauanbí doman i Amá kon sia tua in intaubí inta motoindudui kon i Allah, táe koboḻi in sia kon intau ibanea. Tanaa in intau tatua in namangoi sin mogamá kon i adíku doyowa bo baḻíonnea ki ata monia, sin poguboḻi kon boḻi i buḷoiku inta ain minatoi tua.”

DATU MITA 2 4:1 Referans Kwoze

MATIUS 18:25

táe popisí in intau tatua diádon mokouboḻi kon boḻinea tatua, dá datu tatua in nomarenta sinbá potaḷuidon in ki buḷoi bo ki adínea takin bayongan kapunyaannea sin poguboḻi kon boḻinea.

DATU MITA 2 2:3

Tongopaanan in nabi inta nogutun kon tua in minayá nokipodungkuḷ kon i Elisa bo noḻibó, “Kinotaauanmu degá kon singgai in naa in ki tuangmu monaḷámaidon kon inimu sin diaandon i Tuhan mamonik?” “Oo, kinotaauankubí,” tubag i Elisa. “Táe natuabí, dikadon mongonguman kon tua in kita.”

WAHYU 19:5

Bo kinodongogandon in giow nongkon tampat pomomarentaan tatua noguman, “Dayowdon in ki Allah, ei bayongan in intau inta nogaid kon oaidan i Allah, bo bayongan intau – guyanga-mongoadí – inta nosumba kon i Allah!”

MATIUS 18:30

Táe diábí inindongoganneamai in singog in yobayatnea tatua bo binayánea pinobonu kon ponjara nodapot in inuboḻiannea nodait in boḻinea tatua.

MALEAKHI 4:2

Táe kon i monimu inta motoindudui kon i-Nakó, kawasa-Ku inta mokosaḷamat in momukábí naonda bo mata in singgai, bo sindarnea in mokoundam. Moiko in moiḷuatbí bo mopia in gina naonda bo ki adí in sapi inta bagu pinoḷuai kon ḷantung.

MALEAKHI 3:16

Bo intau mita inta moondok kon i Tuhan in mosigumanan, Ki Tuhan in nokodongog bo nonaridi kon onu inta siningog monia. Intau mita inta nohoromat kon i-Nia bo inta notoguondok kon i-Nia, pinais in tangoinea kon bonu in buk pomomaisan inta kon tayowon-Nea.

MAZMUR 147:11

Mopia in gina i Tuhan kon intau inta motoguondok, kon intau inta umuran mongamang mako kon tabi-Nea.

MAZMUR 103:17

Táe ki Tuhan in umuranbí motabi kon intau inta motoguondok, kopopia-Nea in modapotbí kon adí bo ompu

MAZMUR 103:11

Táe ná sigad in ḷangit bo butá, natua in koḷoben in tabi-Nea kon intau inta motoguondok kon i-Nia.

SAMUEL 1 22:2

Ná doman tua in intau mita inta nobiag iroriga, inta koboḻi, bo intau mita inta monakit in gina, komintan dinumugang kon i Daud, bo ki Daud in nobaḻí itoi monia. Kobayong in dumodudui i Daud in degá opatmai nogatut in intau.

WAHYU 15:4

Ki inebí in diá moondok kon ini-Mu, Tuhan? Ki inebí in doí mopotaau in kamuliaan-Mu? Tongábí Iko i motusi. Bayongan in bangusa mamangoibí mosumba kon ini-Mu sin aid-Mu mita inta moadil ain inontong in bayongan intau.”

YAKOBUS 2:13

Sin diábí poontong i Allah in tabi-Nea kon intau inta diá nonotaau in totabian. Táe tabibí in moḷobe-ḷoben nongkon hukuman!

OUMAN IN RASUL MITA 13:26

Utatku mita inta buí i Abraham bo utat mita ibanea inta motoguondok kon i Allah! Habar inta mokosaḷamat aindon pinoyaput kon inaton;

MATIUS 18:35

Pokotorop, “Ki Amá-Ku inta kon soroga in momia doman kon natua kon inimu, aka moiko komintan doí mongampung kon i utatmu totu-totuu.”

YEREMIA 34:14

Akuoi in noguman kon bayongan in ata Ibrani inta ain nobaḻí ata onom notaong in koonggotnea, musti poḷuaton kon imbuit in taong impitunea. Táe mogoguyangmu in doíbí noindoimai andeka nokidongog kon onu inta pinoguman-Ku tatua.

MOHOHUTUBA 12:13

Naonda intua komintan irai-raikumai, naa in imbuit in tosingogon inta nouḻíku. Kotoguondok kon i Allah bo duduiai in bayongan parenta-Nea, sin tuabí in mangaḻe pinomaḻían-Nea kon intau.

MOHOHUTUBA 8:12

Umpaka mogatut in aid moraat in inaidan in intau baradosa, umuranbí in sia mobiag bo modapotbí in moonggot in kobiagannea. Kain intau, ki ine in motoindudui kon i Allah, notantúbí kon kobobiagnea in komintan mogampang.

NEHEMIA 10:31

Aka oyúon in bangusa ibanea in mopotaḷui in gandum andeka onuka kon inami kon singgai in Sabat andeka singgai motusi ibanea, yo diábí intua taḷuion nami. Kon pomuḷoi in taong impitunea, diábí tonggobaan nami in gobá bo diábí moigum kon boḻi.

NEHEMIA 7:2

Pomarentaan kon kotá in Yerusalem inogoiku kon i utatku ki Hanani bo kon i Hananya, Tongguḷu totok in tontara inta moḷukad kon benteng, sin sia in noiḻiu kon intau ibanea, moondok kon i Allah bo motaau pirisayaan.

DATU MITA 2 4:38

Kon wakutu tobatú nobaḻídon in bodito kinodaitan in kaanon kon bayongan in butá. Dá nobuidon in ki Elisa kon Gilgal. Naonda in sia motundúmai kon topaanan in nabi mita, nokigamá in sia kon bobantungnea in bejana moḷoben tobatú bo nodungú kon kaanon kon i monia.

DATU MITA 2 2:5

Topaanan in nabi inta nogutun kon tua minayá nokipodungkuḷ kon i Elisa bo noḻibó “Kinotaauanmudon degá kon singgai in naa ki tuangmu in diaandon i Allah bo monaḷámaidon kon inimu?” “Oo, kinotaauanku,” tubag i Elisa, “Táe kibio-biómaidon, dikadon mongonguman kon tua in kita.”

DATU MITA IMITÁNEA 20:35

Pinodudui kon parenta i Tuhan, nabi tobatú kon sigad in nabi mita nopotabá kon yobayatnea nokibout kon inia. Táe yobayatnea tatua in doíbí.

DATU MITA IMITÁNEA 18:3

Tuamai in ki Ahab nogoiní kon i Obaja mamangoi kon tayowonnea. (Ki Obaja in tongguḷu in mononompia kon motoḷuadí kon komaḻig. Sia in intau inta totu-totuu mosumba kon i Tuhan.

IMAMAT 25:48

yo intau Israel tatua umuranbí oyúon in haknea tobuton. Intau tobatú nongkon i utatnea inta ḷoḷaki,

KINOBAḺIAN 22:12

“Donaai yoyigaanmu in adí tanion ande donaaidon yagi-yagionmai in sia,” guman tuhan pinongin malaekat tatua. “Tanaa in kinotaauan-Kudon kon iko in totokbí in mohoromat bo motoindudui kon i-Nakó, popisí in iko diábí nonolak in nobogoi kon i adímu tuḷong tua kon i-Nakó.”

MAZMUR 115:13

Sia in momarakatbí kon intau mita inta motoguondok, pinomayá mointok andeka moḷoben.

DATU MITA 2 6:9

Táe ki Elisa in nokidia in habar kon i datu in Israel sin mobogoi in tompoingat sinbá diá mayá in tampat tatua, sin intau mita in Siria in biasamai in mayá mongin daḷan tatua.

YESAYA 50:1

Ki Tuhan in noguman kon Israel, “Ei umat-Ku, kainimu kamai Akuoi in mopoguntunbí kon inimu naonda bo buḷoi ḷoḷaki mopoguntun kon i buḷoinea bobay? Aka natua, yo kon onda in surat gogaatannea? Kainimu kamai Akuoi in mopotaḷui kon inimu, naonda bo guyanga ḷoḷaki nopotaḷui kon i adínea kon intau inta mamangoi moigum kon boḻi? Deeman! Iko in dinakop bo iḷumbú, popisí in dosa bo aid moraatmu tontaní!

RUT 1:3

ki Elimelekh in minatoi. Dá dongkadon ki Naomi bo ki adínea doyowa.

DATU MITA 2 2:7

bo nabi ḻima nopuḷú in dinumudui kon i monia. Ki Elia bo ki Elisa in sinumogon kon bingkí in ongkag, bo nabi inta ḻima nopuḷú tatua in sinimindog diá noyayú kon tua.

DATU MITA 2 2:15

Nabi kon Yerikho inta ḻima nopuḷú tatua in nokoontong kon inia, bo noguman, “Kawasa i Elia in pinampingdon kon i Elisa!” Mosia in namangoi kon inia bo sinumungkud kon tayowonnea

AMSAL 22:7

Intau bogá kinawasa in intau nooyúon; intau inta noḷuan kinawasa in intau inta nopoḷuan.