DATU MITA 2 3:15 - Alkitab Singog In Mongondow Masa In Tanaa

¹⁵ Tanaa in diádon mangoi in intau tobatú inta motaau mopogogitog in kecapi.” Kon dodai in intau tatua mopogogitogmai in kecapinea, ki Elisa in kinawasa in Roho i Tuhan,

DATU MITA 2 3:15 Referans Kwoze

SAMUEL 1 16:23

Pinangkoidon kon dodai intua, pomuḷoi in ki Saul angoion tuyayowon in dimukud moraat tatua, ki Daud mogamá kon kecapinea bo pogogitognea. Bo korasaan i Saul kon mopiadon bui, sin taḷaandon in dimukud moraat tatua.

SAMUEL 1 10:5

Mopaḷut mako kon tua iko in musti mayá in buḷud i Allah kon Gibea, tampat pinononḷoḷaigan in intau in Pilistin. Kon ngara tumuot in kotá, iko in moyodungkuḷdon in nabi mita inta mosiḻig nongkon buḷud pobobogoian kon kuruban. Mosia in motayok bo morogiow, mopogogitog in gambus, rebana, bansí bo kecapi.

DATU MITA IMITÁNEA 18:46

Kon dodai intua ki Elia nokouḻí kon ropot nongkon i Tuhan. Nongopí in sia kon jubahnea pinodamonik bo pinopotogotnea kon ogotannea bodongka noribatuk inumuna kon i Ahab kinoouput in daḷan nodapot kon bonawang in kotá Yizreel.

OUMAN IN RASUL MITA 11:21

Kawasa i Tuhan umuran kotaki-takin monia, sahingga in nobayongdon in intau in nopirisaya bo moposarakan in kobiagannea kon i Tuhan.

YEHEZKIEL 8:1

Kon singgai iḻimanea kon buḷan inggonomnea kon taong inggonomnea kon sempo in pinoḷumbúan kon inami, itoi mita in intau mita inta iḷumbú kon Yohuda in namangoi kon baḷoiku bo iḻimitú takinku. Bo daḻídon in kawasa i Tuhan Inta Totok in moḷantud nongawasa kon inakó.

YEHEZKIEL 3:22

Kinorasaanku in ropot in kinoangoian i Tuhan bo dinongogku in Sia noguman kon inakó, “Pobangondon bo bayádon kon ḷopá. Kon tua Akuoi in mopoyaput in singog kon inimu.”

YEHEZKIEL 3:14

Kawasa i Tuhan in namangoi kon inakó motoyang totok, bo naonda in akuoi biningkat bo dinia in Roho-Nea, ginaku in koraasaan mopait bo mopatú.

SAMUEL 1 18:10

Nopoikoḷomai kon singgai ki Saul kon bonu in baḷoinea kokada-kadai in pandongnea bo daḻídon in sia kinawasaan in dimukud moraat inta pinotabá i Allah, nodapot in sia irumobut naonda bo intau nobundai. Kon dodai intua ki Daud mopogogitogmai in kecapi ná biasamai.

SAMUEL 1 16:16

Aka moibog in ki Tuang, dá potayakandon nami kon intau tobatú inta mopia mopogogitog in kecapi. Aka dimukud moraat tatua monuyayowdon kon i Tuang Datu, dá intau tatua in mopogogitogdon in kecapinea, bo motompiadon bui in raian i Tuang Datu.”

DATU MITA 2 3:16

dá noguman in sia, “Naabí in pinoguman i Tuhan: ‘Pomiadon kon got mita kon bandungan tanaa.

MAZMUR 49:4

Akuoi in mopoyaputbí in tosingogon mita inta mobijaksana, onu in kon raianku naa totuubí modaḷom.