DATU MITA 2 3:13 - Alkitab Singog In Mongondow Masa In Tanaa

¹³ “Nongonu sin mopoigumbí in totuḷung kon inakó?” guman i Elisa kon i datu in Israel. “Bayádon mako kon nabi mita in guyangamu!” “Diá!” tubag i Yoram. “Sin ki Tuhanbí inta ain nonomayá kon moposarakan kon inami toḷu kon i datu Moab.”

DATU MITA 2 3:13 Referans Kwoze

DATU MITA IMITÁNEA 22:6

Dá ki Ahab in nosipun kon degá 400 in nabi bo noḻibó kon i monia, “Motaau degá in akuoi mayá monubu kon Ramot andeka diá motaau?” “Motaau!” tubag monia. “Ogoibí i Tuhan kon i tuang datu in kotá tatua.”

DATU MITA IMITÁNEA 18:19

Tanaa, parentaaidon in bayongan rayat in Israel sin moyodungkuḷku kon Buḷud in Karmel. Dia doman in opat nogatut bo ḻima nopuḷú in nabi Baal bo opat nogatut in nabi i Dewi Asyera tatua inta inuboḻian i Izebel ki buḷoi datu!”

DATU MITA 2 3:10

“Mobodito in kita!” guman i Datu Yoram. “Ki Tuhan ain nonomayá moposarakan kon i naton toḷu kon i datu in Moab!”

KORINTUS 2 6:15

Diábí doman in ki Kristus moyopakat takin Ibilis. Onubí in yotongkainea intau in Keresten takin intau inta diá mopirisaya kon i Kristus?

KORINTUS 2 5:16

Manangka intua, kami in diábí monilai kon intau podudui in raian intau. Aka koḻipod bo nokoimontandon in kami nonilai kon i Kristus podudui in raian intau, yo masa inta naa in diá bidon natua.

YOHANES 2:4

Ki Yesus in notubag, “Iná, donaaipa mokiaid in onu bo onu kon i-Nakó, sin deemanpa wakutunea Akuoi mopoontong intua.”

MATIUS 8:29

Taya dua nomaḷú noropot, kai monia “Onuon-Mu in kami naa, ei Adí i Allah? Iko mamangoi degá mopoyoyiga kon inami umpaka deemanpa wakutunea?”

HOSEA 6:1

Intau mita in Israel in noguman, “Igai mobuidon in kita kon i Tuhan. Siabí inta nopororiga kon i naton, táe Siabí doman inta monompia. Sia in nonongkekeb, táe Siabí doman in mobakut kon kekeb mita naton.

AMSAL 1:28

Kon dodai intua moiko in mokuani kon inakó, táe doí in akuoi tumubag. Tayakon magí-mako monimu in akuoi táe diábí mouḻí monimu.

RUT 1:15

Nogumandon in ki Naomi kon inia, “Rut, indoiaika! Ki utatmu tumpaḷa pobobuḷoion ain nobui kon bangusanea bo kon dewanea mita. Bayádon doman in iko, uḻeku, duduidon kon inia mobui!”

HAKIM MITA 10:14

Bayádon kon dewa mita inta piniḻí monimu tatua. Pokuanidon kon i monia! Bio-biódon mako bá mosiadon in motuḷung kon dodai in moiko mobiag mororiga.”

DATU MITA IMITÁNEA 17:18

Bo boba-bobay tatua in noguman kon i Elia, “Mogogundoi i Allah, nongonu popoaidbí i Amá in tanaa kon inakó? Degá namangoi in ki Amá sinbá kotoropan i Allah in dosaku, noiyaput in matoi in ki adíku?”

DATU MITA 2 3:12

“Totuu! Totuu, ki Tuhan in nosingogbí pinongin inia,” guman i Datu Yosapat. Dá minayádon in datu taya toḷu tatua kon i Elisa.

YEREMIA 37:19

Kon onda in nabi mita i Tuang datu tua inta noguman kon datu in Babel tua in diábí monubu kon i Tuang bo butá tanaa?