DATU MITA 2 23:11 - Alkitab Singog In Mongondow Masa In Tanaa

¹¹ Bayongan in kabaḷo inta ain sinontaní in datu mita in Yohuda sin pakéon posumbaan kon mata in singgai in iḷumbú, bo kereta mita inta pinaké kon posumbaan tua in sinubá doman. (Kereta mita tatua in kon bosí in Baḷoi Tuhan – kon diug in ngara – diá noyayú nongkon yuang mita pogogutunan i Natan Melekh, pogawai moḷantud tobatú.)

DATU MITA 2 23:11 Referans Kwoze

YEHEZKIEL 8:16

Dinia-Nea in akuoi kon dangkuḷon kon bonu in Baḷoi Tuhan. Kon diug in ngara tuotan kon yuang motusi, kon sigad in mezbah bo lorong, doyowa nopuḷú bo ḻima in intau. Mosia in nonoḻikud kon yuang motusi, bo dinumokó sinumayow kon pomukaan bo nosumba kon mata in singgai inta momuká.

TAWARIKH 2 34:4

Patong mita bo berhala mita tatua in irimumud in intau mita i Yosia bo rimumudnea in pinonabudnea kon tudu in pinoḷobongan kon intau mita inta noposumba in kuruban kon berhala mita tatua. Mezbah mita i Baal bo mezbah mita in dupa inta kon tua in inumpag monia.

TAWARIKH 2 14:5

Bayongan tampat pososumbaan kon berhala bo tampat pototubáan kon dupa iḷumbúnea nongkon kotá mita in Yohuda. Dá noonowdon in dodatuan tatua kon tungkuḷ in sia nomarenta,

DATU MITA 2 23:5

Pinopogogaineadon in imang mita inta ain dinuí i datu mita in Yohuda sin mopobayá in oaidan kon tampat pososumbaan kon dewa kon kotá mita in Yohuda bo kon diugmai in Yerusalem; bo imang mita doman inta noposumba in kuruban kon i Baal, mata in singgai, buḷan, pakakat mita in ḷangit bo tundi mita.

ULANGAN 4:19

Dikadon baradosaan popisí in mosumba bo mogundoi kon onu inta inontong monimu kon ḷangit: mata in singgai, buḷan bo tundi mita. Pinomayá mako i Tuhan Allahmu in bangusa mita ibanea nosumba kon tua mita.

TAWARIKH 1 26:18

Kon Pavilyun kon dotá in toyopan pinoki ḷukad kon intau opat moḷoḷukad kon daḷan bo doyowa in moḷoḷukad kon pavilyun tua.

AYUB 31:26

Diábí dodai in onda in sinumbaku in mata in singgai inta nonindar andeka buḷan inta nonimbayag nodarit.

YEHEZKIEL 40:17

Onda intua ḷoḷaki tatua nodia kon inakó nongin ngara kon dangkuḷon kon ḷuai in Baḷoi Tuhan. Kon sí in dinding ḷuainea kon ḻibumai in Baḷoi Tuhan tatua pinosindog in gopot toḷu nopuḷú. Kon tayowon in gopot mita tatua oyúon in taḷog batu