DATU MITA 2 18:4 - Alkitab Singog In Mongondow Masa In Tanaa

⁴ Irimumudneadon in tampat mita pososumbaan kon dewa, bo inumpagnea domandon in tugunea mita poḷat nomoguyaat kon patong i Dewi Asyera. Bo irimumudnea doman in uḷag bitú inta pinomia i Musa inta sinangoian Nehustan. Sin, noidapot in kon dodai intua intau in Israel tantúpa doman motubá kon dupa sin mohoromat kon uḷag bitú tatua.

DATU MITA 2 18:4 Referans Kwoze

TAWARIKH 2 31:1

Naonda in nopaḷut in pinorayaan, bayongan in rayat minayá kon batúan in kotá kon Yohuda, bo norimumud kon tugu mita in berhala, nogumpag kon patong mita inta pinosindog kon i Dewi Asyera, bo norumbun kon mezbah mita takin tampat mita pososumbaan kon berhala. Mosia in nogaid doman kon natua kon tampat mita ibanea kon Yohuda, bo kon butá in Benyamin, Epraim bo Manasye. Nopaḷut mako kon tua mosia in nobuidon kon tampat monia tontaní.

DATU MITA 2 18:22

Noiduduimai kon tua porwira in Asyur tatua in noguman, “Andeka degá moiko in mosingog kon moiko in moharap mako kon i Tuhan, Allahmu? Kon dodai in ki Hizkia nomarenta kon bá intau in Yohuda bo Yerusalem in tongá bidon moibada kon tayowon in mezbah kon Yerusalem, yo inta iyompatnea tua in mezbah bo tampat mita posumbaan kon i Tuhan tontaní.

DATU MITA 2 12:3

Tongá nokomanasaḷan, tampat pososumbaan kon dewa mita diá sinokorumbunnea, dá rayat in umuranbí moposumba in kuruban bo motubá kon kamania kon tua.

DATU MITA IMITÁNEA 22:43

Ná doman ki Asa, ki amánea, ki Yosapat in nogaid doman kon inta mopia kon tayowon i Tuhan. Iyompatnea nongkon dodatuan nea in bayongan sundaḷ ḷoḷaki bo bobay inta nopobayá in oaidan monia kon tampat mita pososumbaan kon berhala inta kinotaḷáan kon tungkuḷ i Asa, ki amánea. Táe tampat mita tatua in diábí irimumudnea. Rayat in tantúpabí doman moposumba in kuruban bo kamania kon tua. Ki Yosapat in nogaid kon kapaḷ mita in Tarsis sin pogakutan kon buḷawan kon Opir, táe kapaḷ mita tatua in diábí nobaḻí iḷumeag sin nogoguyaat kon Ezion-Geber. Ki Datu Ahazia nongkon Israel in nonotogmai sinbá intau mita in kapaḷnea in ḷumeagdon moyotakin in intau mita in kapaḷ i Yosapat, táe doí in ki Yosapat umpaka mopia in yoyobayat monia takin i datu in Israel. Onda intua ki Yosapat minatoi bo iḷobong kon poḷoḷobongan kon datu mita kon kotá i Daud. Ki Yoram ki adínea in nobaḻí datu nonoḻiu kon inia. Ouman ibanea mako kon i Yosapat, kobobaraninea bo pinoparangannea mita in pinaisdon kon bonu in buk Ouman in Datu mita in Yohuda. Kon tungkuḷ intua butá in Edom diá in datu. Nomarenta kon tua in tobatúbí bupati.

HAKIM MITA 6:28

Naonda in intau mita kon kotá tatua norobangon doḷo-doḷom monik, inontong monia in mezbah inta kon i Baal bo oigi inta nobaḻí lambang kon i Dewi Asyera ain noumpag. Inontong domandon monia in kon tampat tatua ain doman pinoposindogan in mezbah tobatú bo ain domandon sinubá in sapi koḷakian tobatú nobaḻí kuruban.

HAKIM MITA 6:25

Kon doḷom tua ki Tuhan nobogoi in parenta tanaa kon i Gideon, “Pogamádon kon sapi koḷakian i amámu, inta totok in mopia inta umur pitu notaong. Kokaidon in mezbah inta pinosindog i amámu kon i Baal, bo umpagdon in oigi inta nobaḻí lambang i Dewi Asyera inta kon dotá in mezbah tatua.

ULANGAN 7:5

Tuamai, umpagdon in mezbah mita in bangusa mita tatua, rimumudon in oigi mita batu inta inanggap monia mokaramat, pupuḷdon in lambang mita i Asyera, bo tubádon in patong mita berhala inta sinumba monia.

IMAMAT 26:30

Rimumudon-Kudon in tampat mita pososumbaanmu kon tudu in buḷud mita, mogumpag kon mezbahmu mita tampat pototubáan kon dupa, bo mopogambat in mayat mita monimu kon tudu in toḻindua mita in Tuhanmu inta ain noumpag tatua. Takin yaat in gina

IḶUAIAN 23:24

Dika mosumba kon patong mita inta moḷoḷukad monia bo dika dumudui kon pososumba monia. Rimumudon in patong mita moḷoḷukad monia tua bo putoḷdon in oigi mita batu inta pinaké monia posumbaan.

MAZMUR 78:58

Mosia in noponontot kon i Allah in tampat pososumbaan kon berhala, bo pinointoi monia in Sia in patong mita monia.

TAWARIKH 2 33:3

Tampat mita pososumbaan kon berhala inta ain irumbun i Hizkia, ki amánea, pinosindognea bui. Sia in noposindog in mezbah mita sin poibadaan kon i Baal, bo nogaid in sia kon patong mita i Dewi Asyera, bo poḷat nosumba kon tundi mita.

TAWARIKH 2 19:3

Umpaka natua táe oyúonpabí in mopia kon i Tuang. Ki Tuang in noḷumbúdon kon bayongan in patong i Dewi Asyera inta sinumba in rayat bo ki Tuang in noḷongasidon nobiag podudui in ibog i Allah.”

DATU MITA 2 16:15

Nopaḷut mako kon tua noguman in sia kon i Uria, “Pakédon in mezbahku inta moḷoben tanaa sin potubaan kon kuruban inta ogoi in rayat, bo pobutakdon doman kon tua in kuruban anggur inta ogoi in rayat. Pobutak domandon kon tudu in mezbah tatua in dugú in bayongan biag inta pinosumba. Bo mezbah bitú inta koyongan tatua in pomayádon mako bá akuoidon in mopomaké sin mopoigum in topotundú nongkon dimukud mita.”

DATU MITA 2 15:35

Táe nokomanasaḷan tampat mita pososumbaan kon dewa in diábí irumbunnea dá rayat in umuranbí doman moposumba in kuruban bo notubá kon dupa kon tua. Ki Yotam naa inta noposindog in Bonawang kon dotá in Utuan kon Baḷoi Tuhan.

DATU MITA 2 15:4

Táe nokomanasaḷan, diábí irumbunnea in tampat mita pososumbaan kon dewa, dá rayat in umuranpabí doman moposumba in kuruban bo motubá kon dupa kon tua.

DATU MITA 2 14:4

diábí doman in sia norumbun kon tampat mita pososumbaan kon dewa, dá rayat in umuranbí doman moposumba in kuruban bo motubá kon dupa kon tua.

DATU MITA 2 23:4

Nopaḷut mako kon tua ki datu in nomarenta kon i Imang Moḷoben ki Hilkia, imang mita mogogopod bo moḷoḷukad inta nopobayá in oaidan kon ngara in Baḷoi Tuhan, sinbá mopoḷuai nongkon baḷoi tatua in bayongan pakakat inta pinaké posumbaan kon i Baal Dewi Asyera, bo tundi mita. Bayongan in pakakat mita tatua sinubá i Datu Yosia kon ḷuai in kotá kon diug in Ḷopá in Kidron, bo ḷobudnea in dinia kon Betel.

IḶUAIAN 34:13

Dá, dikadon mogaid kon natua, táe tokoumpagdon in mezbah mita monia, rimumudon in tugu mita karamat monia bo toko pupuḷdon in oigi mita i Asyera, berhala monia.

DATU MITA 2 21:3

Tampat mita pososumbaan kon dewa inta ain inumpag i Hizkia ki amánea in buineabí pinosindog. Noposindog in sia in mezbah mita sin poibadaan kon i Baal, bo nogaid kon patong i Dewi Asyera, ná inta pinomia i Ahab datu in Israel. Ki Manasye in nosumba doman kon tundi mita.

YESAYA 36:7

Noiduduimai kon tua porwira in Asyur tatua noguman, “Andeka degá moiko in moguman kon moiko in umandoḷ kon i Tuhan Allahmu? Kon dodai in ki Hizkia nomarenta sinbá intau in Yohuda bo Yerusalem tongá moibada kon tayowon in mezbah kon Yerusalem, yo inta iyompatnea tua in mezbahbí bo tampat mita pososumbaan kon i Tuhan tontaní?

ULANGAN 5:5

Táe popisí in moiko moondok kon tuḷú bo diá mokobaḻí in motakod kon buḷud, dá akuoi in dodai in tua in sinimindog kon sigad monimu bo i Tuhan sin mopotaau in tosingogon i Tuhan kon inimu. Ki Tuhan nopotaau,

DATU MITA 2 10:26

bo nopoḷuai in patong in Baal bo sinubá in patong tatua.

DATU MITA 2 11:18

Nopaḷut mako kon tua rayat in nonubu bo nogumpag kon kuil Baal. Mezbah takin patongnea mita in irimumud, bo ki Matan, imang in Baal iḻimod kon tayowon in mezbah mita tatua. Ki Yoyada in nopotabá kon moḷoḷukad sin moḷukad kon Baḷoi Tuhan,

DATU MITA 2 23:14

Tugu mita in dewa bo patong i dewi Asyera in inumpag, bo butá inta pinoposindogan in tugu mita bo patong mita tatua, binumbunan i Yosia in tuḷan mita in intau.