DATU MITA 2 15:5 - Alkitab Singog In Mongondow Masa In Tanaa

⁵ Pinopoumaan i Tuhan in sia in takit kuḻit inta mokoondok, bo nodapot in sia minatoi, takit tatua in diá bidon nopia-pia. Sia in pinotontanídon kon baḷoi tobatú pinopoyayú bo pinoḷuat kon oaidannea mita. Ki Yotam ki adínea ḷoḷaki in nomarenta saḷaku oḻitnea.

DATU MITA 2 15:5 Referans Kwoze

IMAMAT 13:46

Kon bonu in sia monahang mako kon roriga popisí in panyaki tatua sia in nonajispabí bo musti mogutun kon ḷuai in ḷoḷaigan, moyayú nongkon intau mita ibanea.

PINOGIAPAN 12:14

Ki Tuhan notubag, “Aka pogotnea bo dinuyáan i amánea, yo sia tua in mustibí mobaba kon oyá kon bonu in pitu nosinggai? Posídon in sia nongkon pinononḷoḷaigan pitu nosinggai in koonggotnea, bain tua bo motaau in sia tumuot bui.”

MAZMUR 72:1

Nongkon i Salomo. Oo Allah, tundúdon in hukum-Mu kon i datu, ogoiaidon in kooadil-Mu kon i adí ḷoḷaki i datu.

AYUB 34:19

Sia in doíbí dumotá kon datu mita, andeka mopouna in intau nooyúon nongkon intau nobogá. Sin mosia komintan in Siabí in nomaḻí.

DATU MITA 2 7:3

Kon singgai tatua opat in intau inta kinotugatan in takit in kuḻit inta mokoondok sinimindog mako kon bonawang in Samaria. Nosigumanan in mosia, “Onu in mangaḻenea ḻitúan mako naton kon naa mogoḷat kon matoi?

DATU MITA 2 5:27

Popisí in iko in notarima kon tombuinag tatua, dá tarimaanmu domandon in takit i Naaman. Bo modapotbí in buímu umuran mononoi in mokouḻí kon takit natua!” Naonda in ki Gehazi iḻumuai nongkon tua, nokouḻídon in sia kon takit in kuḻit – kuḻitnea in nobaḻídon nobudó totok.

DATU MITA IMITÁNEA 3:28

Kon dodai in bangusa in Israel nokodongog kon soaḷ bontow in tosingogon i Salomo kon bonu in pelekara tatua, nobangkaḷdon in mosia kon inia. Sin noniatadon kon ki Allah ain nobogoi kon inia in kabijaksanaan sin mopoaid in inta moadil.

DATU MITA IMITÁNEA 3:9

Manangka intua, Tuhan, aka motaau yo ogoiaipa in akuoi in kabijaksanaan inta pakéon kon momarenta kon umat-Mu tanaa takin moadil bo motaau mopoyoposi onda inta mopia bo onda inta moraat. Aka diá natua, yo diábí in akuoi mokoparenta kon umat-Mu inta mobarong naa!”

SAMUEL 2 8:15

Natuata in nobaḻí ki Daud nomarenta kon bayongan in Israel bo noḷukad sinbá rayatnea in umuran koadilon bo kopiaan in pomomarenta.

SAMUEL 2 3:29

Pomayádon mako bá ki Yoabdon bo bayongan in motoḷuadínea in hukumon popisí in aidnea tatua. Poigumon mako sinbá kon bonu in motoḷuadí i Yoab takin buínea monag umuran oyúon in kotugatan in panyaki inta mokoondok, andeka ḷoḷaki inta moyempé, andeka inta matoi kon bonu in parang andeka inta kodaitan in kaanon!”

ULANGAN 24:8

Aka oyúon takit in kuḻit inta mokobahaya, yo aidaidon kopira in onu inta pinarenta in imang mita Lewi kon inimu; duduiaidon in topotundú mita inta pinotaauku kon i monia.

PINOGIAPAN 12:10

Naonda in goḷom tatua minayá nonaḷámai kon Ḷoḷaigan i Tuhan, indoianmai yo ki Miryam kinotugatandon in takit kuḻit inta mokobodito; kuḻitnea inumudó naonda bo kapot. Naonda inontong i Harun kon ki Miryam kinotugatandon in takit tatua,

DATU MITA 2 15:6

Ouman ibanea kon i Datu Uzia in pinais kon bonu in buk Ouman in Datu mita in Yohuda.

TAWARIKH 1 5:17

Pipidan in bui tanaa in pinomia kon tungkuḷ in ki Yotam in datu in Yohuda, bo ki Yerobeam in datu in Israel.

HOSEA 1:1

Naa in koyow inta inogoi i Tuhan kon i Hosea ki adí i Beeri kon tungkuḷ in dodatuan in Yohuda noyo-noyodudui in pinarenta i Datu Uzia, i Yotam, i Ahas, bo Hizkia, bo dodatuan in Israel in pinarenta i Yerobeam ki adí i Yoas.

MIKHA 1:1

Ki Mikha nongkon kotá mointok tobatú tangoinea in Moresyet. Kon tungkuḷ in butá in Yohuda pinarenta noyodudu-duduimai i Datu Yotam, i Ahas bo i Hizkia, ki Mikha in notarima kon koyow i Tuhan soaḷ Samaria bo Yerusalem.

DATU MITA 2 15:32

Kon taong nogindua kon pinomarentaan i Datu Pekah adí i Remalya kon Israel, ki Yotam ki adí i Uzia in nobaḻí datu in Yohuda.