DATU MITA 2 1:2 - Alkitab Singog In Mongondow Masa In Tanaa2 Kon singgai tobatú ki Datu Ahazia nongkon Israel noḷabú nongkon dangkuḷon kon ḷundukan in komaḻignea kon Samaria, nodapot in sia kinekeban nodaḷom. Dá nopotabá in sia in intau sin moḻibó kon i Baal-Zebub, dewa in kotá in Ekron kon Pilistin, degá mopiapa in sia mongo diádon. Gade chapit la |
Aidan-Kubí intua sin ki Salomo in nonaḷámaidon kon i-Nakó bo nosumbadon kon dewa mita, inta ki Asytoret, dewi in bangusa in Sidon, Kamos, dewa in bangusa in Moab; bo Milkom, dewa in bangusa in Amon. Ki Salomo in diá dinumudui kon ibog-Ku. Diá notongkai in sia i amánea ki Daud inta motoindudui kon i-Nakó bo nogaid kon parenta-Ku mita.
Kon tua oyúon tayowmobiag tobatú inta iḻimitú mako kon jandela, ki Eutikhus in tangoinea. Popisí in noonggot totok in pinongongumanan monia takin Paulus, dá sinomposiugdon totok in tayowmobiag tatua, bo noḷoḷot bo noḷabú monag in sia nongkon ḷundukan intoḷunea. Naonda in binuatdon monia, minatoidon in sia.
Noikoḷatbí totok tontara in Siria tobatú nopopiot in piotnea, bo diábí in pinopotanaan. Táe piot tatua in noipiotdon kon i Ahab bo noiḷambai kon ḷambung in parangnea noitongkaná kon tondoḷannea. “Kinotugatandon in akuoi!” guman i Ahab kon mododia kon keretanea. “Pomurow bo diádon in akuoi ḷumuai kon poparangan!”