DANIEL 9:3 - Alkitab Singog In Mongondow Masa In Tanaa

³ Bo nosambayangdon totu-totuu in akuoi kon i Tuhan Allah, bo nopoigum in totabi-Nea. Akuoi in nopuasa bo nogiḷambung in ḷambung karong bo iḻimitú kon tudu in ḷobud.

DANIEL 9:3 Referans Kwoze

YEREMIA 33:3

“Pokuanidon kon i-Nakó, dá tubagan-Kubí; potaau-Kubí kon inimu in soaḷ mita inta mopia bo inta mokotongaw inta diápa kinotaauanmu.

ESTER 4:16

“Sipundon in bayongan intau in Yahudi inta kon Susan bo sambayangai in akuoi. Dika mongaan bo monginum in toḷu nosinggai bo toḷu nogobii in koonggotnea. Akuoi tontaní bo mongodeaga mita inta nobantung kon inakó in mopuasabí doman. Mopaḷut mako kon tua akuoi in mayá kon tayowon i datu, umpakabí ḻimimpat tua kon undang-undang. Aka akuoi bo musti matoi popisí intua, dá biódon mako in akuoi matoi!”

EZRA 9:5

Naonda in kuruban ḷoḷabungnea nomangkoidon pinosumba, sinimindogdon in akuoi nongkon iḻitúanku koina bo takin ḷambung inta noberak, sinumungkud in akuoi bo nopotonggó in ḻimaku kon i Tuhan Allahku.

EZRA 10:6

Naonda in mosia nongibot, minayá in ki Ezra nongkon tayowon in Baḷoi Tuhan bo sinumuot kon bonu in tampat pinogutunan i Yohanan ki adí i Elyasib bo nosiug kon tua. Sia in doíbí nongaan andeka nonginum popisí in norobonoḷ totok in ginanea in noraimai kon oaid in intau mita inta iḷumbú tatua.

EZRA 8:21

Bo kon bingkí in Ongkag in Ahawa tatua akuoi nopotaau kon mosia komintan in mustibí mopuasa bo tumonsiup kon tayowon i Allah. Kami in nosambayang sinbá ki Allah in nokapit kon inami kon binayáan tatua, bo mogoḻiung kon inami, kon i adí mita nami bo bayongan in kapunyaan nami.

OUMAN IN RASUL MITA 10:30

Dá ki Kornelius in notubag, “Opatdon nosinggai naa, degá orasmaidon nanaa jam intoḷunea moḷoḷabung akuoi in nosambayang kon baḷoiku. Indoianmai yo oyúonbí in ḷoḷaki tobatú in sinimindog kon tayowonkumai. Ḷambungnea in mopouḻi-uḻinag.

LUKAS 2:37

táe tanaa sia dongkadon boba-bobay, bo umurnea aindon waḷu nopuḷú boopat notaong. Sia umuranbí mamangoi in Baḷoi Tuhan. Doḷom bo singgai sia mogaid kon onu inta kino ibog i Tuhan, sia in mosambayang bo mopuasa.

YOËL 2:12

Ki Tuhan in noguman, “Táe tanaa mako, pobuidon mangoi kon i-Nakó takin ḻimbatú in gina, sindaḷan mopuasa, mogamui bo mongombaḷ.

YOËL 1:13

Ei imang mita inta nogundoi kon mezbah, pakédon in kaeng karong, bo pongombaḷdon. Tuotdon kon bonu in Baḷoi Tuhan sin mogamui kinoouput in doḷom, sin diádon in kuruban anggur bo gandum kon i Allahmu.

YEHEZKIEL 36:37

Ki Tuhan Inta Totok in moḷantud in noguman, “Ei bangusa in Israel, moiko in ogoi-Kudon bui in mokituḷung kon i-Nakó; dugangan-Kudon bui in kobayongmu naonda bo paanan in domba.

MAZMUR 35:13

Kon dodai in mosia notakit, morobonoḷ in ginaku bo diá nongaan; akuoi in nosambayang bo kinumuyung,

DANIEL 6:10

Dá ki Datu Darius in notekengdon kon surat parenta tatua.

NEHEMIA 9:1

Kon singgai in doyowa nopuḷú bo opat kon buḷan doman tatua, rayat in Israel noyosipun. Mosia in nopuasa sin moponiata kon mosia in nomanasaḷdon in nogaid kon dosa mita. Mosia in sinumondí kon intau mita ango-angoi. Nobaḻí tomponuot kon noajar in gina, nogibintoḷ in mosia bo nopoinggú in ḷobud kon uḷu. Onda intua sinimindog in mosia bo nongaku kon bayongan in dosa monia bo dosa in mogoguyang monia.

YESAYA 22:12

Kon tungkuḷ intua ki Tuhan Inta Totok in moḷantud bo Inta Totok in mokawasa nopotabá kon i monimu nongombaḷ bo nogamui, nongarug kon buok bo nogibintoḷ.

DANIEL 9:4

Bayongan in dosa in bangusaku inakuku kon i Tuhan Allahku. Gumanku, “Tuhan Allah, Iko in moḷoben, bo kami in mohoromat kon ini-Mu. Iko in umuranbí mogintompod kon dandi-Mu bo mopoontong in tabi-Mu inta mononoi kon i monia inta motabi kon ini-Mu bo inta nogaid kon onu inta pinoki aid-Mu.

DANIEL 9:20

Akuoi in umuran nosambayang bo nongaku kon dosaku bo dosa in bangusaku Israel, bo nopoigum kon i Tuhan Allahku sinbá mopoyobui in baḷoi-Nea inta motusi.

YUNUS 3:5

Intau mita in Niniwe nopirisaya kon koyow i Allah tatua. Bayongan in rayat nonantúdon kon mopuasadon, bo bayongan in intau, pinomayá moḷoben andeka mointok, nomaké in kaeng karong sin moponiata kon mosia in nomanasaḷdon kon dosa mita monia.

SAMUEL 2 12:16

Bo nosambayang in ki Daud kon i Tuhan sinbá mopia in adí tatua. Nopuasa in sia bo pomuḷoi in doḷom tumonggobii monag sia in umuḻid mako kon taḷog in gopotnea.

AYUB 42:6

Tuamai in mooyá in akuoi monorop kon bayongan in tosingogonku bo takin momanasaḷ akuoi in ḻimitú kon butá bo ḷobud.”

MATIUS 17:21

Táe dimukud moraat ná tanaa in diábí motaau untunon, koḻikudbí in sambayangan bo popuasaan].”