DANIEL 7:8 - Alkitab Singog In Mongondow Masa In Tanaa

⁸ Koyogotpa in akuoi nonaridimai kon tungoinea mita, bo daḻídon in tungoi tobatú ibanea nobiag kon sigadnea. Tungoi tatua nointok, táe nokosisí bo norabut kon toḷu in tungoi inta muna nobiag tatua. Tungoi nointok tatua in oyúon matanea naonda bo mata in intau bo bibig inta nongonguman takin ambungangaḷ bo noḷoḷatú.

DANIEL 7:8 Referans Kwoze

WAHYU 13:1

Onda intua akuoi in nokoontong kon tobatú mahaḷuk inta iḷumuai nongkon bonu in dagat, mopuḷú in tungoinea bo pitu in uḷunea. Pomuḷoi in tungoi oyúon in mahkota, bo pomuḷoi in uḷu pinaisan tangoi mita inta pohojat kon i Allah.

MAZMUR 12:3

Mosia komintan mosiuboḷandon, mosiakaḷan pongin tosingogon inta mopia in kodongogan.

WAHYU 9:7

Batangan in pangkoḷá mita tatua in naonda bo kabaḷo inta nobasadiadon moparang. Kon uḷu monia tua oyúon in naonda bo mahkota buḷawan, pogot monia in naonda bo pogot in intau.

TESALONIKA 2 2:4

Takin kaḷakuang sia in moḷawang bo dumodia kon bayongan inta sinumba in intau, ande bayongan ilah inta inanggap in intau ki Allah. Modapot in sia ḻimitú kon bonu in Baḷoi i Allah bo mongaku kon sia tua kain in ki Allah.

DANIEL 11:36

Datu in butá in utuan in mogaidbí kinoibog in ginanea. Takin ḷumoḷatú sia in moguman kon sia in moḷobe-ḷoben nongkon dewa taondakabí, nodapotbí in moḷobe-ḷoben nongkon i Allah Inta Totok in Moḷantud. Sia in motaaubí in mogaid kon tua modapot in torú i Allah modait. Sin onu inta ain sinantú i Allah mustibí aidan muna.

YUDAS 1:16

Intau mita tatua in umuran mongunsingog bo mopotaḷá kon intau mita ibanea. Mosia in mobiag podudui in ibog monia inta baradosa naa. Mosia in mongonguman kon moḷantud soaḷ kaadaan monia tontaní, bo umuran umapid mako kon intau sinbá mokouḻí kon kauntungan.

PETRUS 2 2:18

Mosia in umuran mopodandi in uboḷ mita bo inta diá baraguna. Ibog monia inta mokotor totok tatua pinaké monia mopoyaying kon i monia inta bagupa nopirisaya kon i Tuhan.

SAMUEL 1 2:3

Gogaiaidon in ambungangaḷmu inta diá in mangaḻenea tua! Dikadon mosingog kon inta diá in baragunanea! Sin ki Tuhan tua in ki Allah inta totok in nonotaau; inta mohakim kon bayongan oaid in intau.

TIMOTIUS 2 3:2

Intau mita in dongkadon umuran momikir kon kopontingan monia tontaní. Kon gina monia in dongka bidon tantú doit, mosia in moambungangaḷ bo moibog monguboḷ, moibo-ibog moningkuḻe kon intau, momarontak kon guyanga, diá motaau motuḻí kon kopopia in intau kon i monia bo onu inta sinundú in agama kodoíbí monia.

DANIEL 7:19

Onda intua ibogonku komangaḻean in mahaḷuk opat inta noyo-noyoposi tua; inta totok in mokokoningkim tua bo inta norimumud bo noḻiom kon kokaanonnea takin konuku bitúnea bo ingipon uatoinea, bo poḷat doman noritak kon ki agatnea mita.