DANIEL 6:8 - Alkitab Singog In Mongondow Masa In Tanaa

⁸ Kami komintan in nonompia kon dodatuan i Tuangku, pinomayá pongawas mita, gubernur mita, oḻit mita in gubernur bo pojabat mita inta ain notobatú kon gina kon bá ki Tuangku mopoḷuaidon in surat parenta inta musti duduian totu-totuu. Ki Tuangku in musti momarenta sinbá kon bonu in toḷu nopuḷú nosinggai diábí tobatúmai in intau in ogoi mopoyaput in oigum kon dewa andeka intau, koḻikudbí in kon i Tuangku tontaní. Ki ine in ḻimimpat kon parenta tatua yo pogonag kon bubú in singa.

DANIEL 6:8 Referans Kwoze

DANIEL 6:15

Nokodongogmai kon tua noajar bo nohawatir in gina i datu, dá notayak in sia kon daya sin moposaḷamat kon i Daniel. Nodapot in ḷoḷabungnea ki datu umuranpa doman moporai-raimai.

ESTER 1:19

Manangka intua, poigumon nami sinbá ki Tuang in momontowdon kon tosingogon kon ki Bokí Wasti in diá bidon motaau mamangoi kon tayowon i Tuang. Bontow in tosingogon tatua in musti baḻíon undang-undang in Persia bo Media, sinbá diádon motaau bui inggamáan. Mopaḷut mako kon tua ogoidon in ḷoḻitúan i Bokí Wasti tatua kon bobay inta mopia-pia nongkon inia.

DANIEL 6:12

Naonda in musung mita i Daniel nokoontong kon inia koyogot in nosambayang kon i Allahnea,

YESAYA 10:1

Moboditodon in moiko inta nogaid kon hukum mita inta diá moadil sin pondorot kon bangusa-Ku.

ESTER 8:10

Surat mita tatua in sinekeng i Mordekhai pinodoyon kon tangoi i Datu Ahasyweros bo cinapan in cap in dodatuan. Bo ki Mordekhai in nopotabá in totabá mita mogatod kon surat mita tatua kon propinsi mita kon dodatuan takin sinumakoi kon kabaḷo mita i datu inta mongoḻikat.

ESTER 3:12

Dá kon singgai in impuḷú botoḷúnea buḷan imitánea, ki Haman in nogoiní kon momomais mita i datu. Mosia in pinotabánea nomais kon surat podudui in bayongan inta pinarentanea, bo surat tatua in pinaisdon kon bonu in bayongan in singog inta pinaké kon dodatuan tatua. Surat tatua in pinais pinodoyon kon tangoi i Datu Ahasyweros bo cinapan in sisingnea, bo ḷagi pinoki dia kon pongawasa, kon gubernur bo intau moḷoben kon bayongan in propinsi. Tombonunea in parenta inta noguman kon tanggal in impuḷú botoḷúnea kon buḷan Adar, bayongan in bangusa Yahudi, pinomayá inta noguyang andeka inta noguod, pinomayá bobay andeka mongoadí, in mustibí ḻimodon diábí in taḻiban bo kapunyaan monia in gamáan.

ESTER 8:8

Táe surat inta ain pinais pinodoyon kon tangoi i datu bo cinapan in cap i datu, in diá bidon motaau inggamáan bui. Tongá, moiko in ogoikubí momais kon surat soaḷ bangusa in Yahudi, onukabí in inta inanggap monimu mopia. Paisdon in surat tatua podoyon kon tangoiku bo capai in cap in dodatuan.”

ESTER 8:3

Nopaḷut mako kon tua ki Ester bui namangoi kon tayowon i datu. Sinumungkud in sia takin koomba-ombaḷ bo nopoigum kon i datu monginggamá kon tomayá moraat inta inaidan i Haman kon intau in Yahudi.

MATIUS 24:35

Ḷangit bo butá in moyoyangbí, táe singog-Ku naa in mononoibí.”

DANIEL 5:28

sinilai; dodatuan i Tuangku in sinilai bo inogoi kon intau in Media bo Persia.”

MAZMUR 94:21

Mosia in noyopopog monayow kon intau motuḻid, bo mopoḷabú in hukuman matoi kon intau inta diá kotaḷá.