DANIEL 6:23 - Alkitab Singog In Mongondow Masa In Tanaa

²³ Ki Allah in bobantung ain nopotabá in malaekatnea sin momompon kon bibig in singa mita tatua dá diábí in mosia nopoyagi-yagimai kon bobantung naa. Ki Allah in noposaḷamat kon bobantung sin kinotaauan-Nea kon bobantung naa in diábí nogaid kon noitaḷá kon i-Nia bo kon i Tuangku.”

DANIEL 6:23 Referans Kwoze

TAWARIKH 1 5:20

Tontara mita tatua in mopirisaya kon i Allah bo nopoigum in totuḷung kon i-Nia, dá dinuduian i Allah in oigum monia tatua bo pinountung-Nea in mosia nongkon intau mita in Higri tatua bo yobayat mita monia.

DANIEL 3:25

Tubag i datu, “Táe nongonu sin taya opatbí in inontongku in intau nodondaḷoi kon yua-yuak in tuḷú tatua? Mosia in diábí noitogot bo beresibí diá nongonumai. Bo taya opat tatua pogot monia in naonda bo dewa.”

MARKUS 9:23

Ki Yesus in notubag, “Onu in kainimu? Aka mokotuḷungbí in Akuoi? Komintanbí motaau-Ku aidan asaḷ bo mopirisaya intau!”

DANIEL 6:18

Nopaḷut mako kon tua batu moḷoben tobatú pinoḻingkop kon bibig in angob tatua, bo ki datu in nocap kon batu tatua nopomaké in cap in dodatuan bo cap in intau mita moḷoben, dá diádon tobatúmai in intau in mokopoḷuat kon i Daniel nongkon singa mita tatua.

YESAYA 26:3

Tuhan, Iko mobogoi in dodamean bo kobiagan motompia kon intau inta moroton in ginanea, sin mopirisaya in sia kon ini-Mu.

AMSAL 18:10

Ki Tuhan tua in notongkaibí in ḷangkeang inta moropot; kon tua in bayáan in intau motuḻid bo mokouḻí kon tampat inta moaman.

MAZMUR 37:40

Sia in notuḷung bo noposaḷamat kon i monia, bo nopoḷagui kon i monia nongkon intau mita moraat, sin mosia in noniung kon i-Nia.

TAWARIKH 2 20:20

Nopoikoḷomai kon singgai, subupa totok, rayat iḻumuai bo minayá in butá kon padang gurun kon diug in Tekoa. Kon dodai in mosia mobuatdon, ki Yosapat nobogoi in koyow tanaa kon i monia, “Rayat in Yohuda bo Yerusalem! Popirisayabí kon i Tuhan Allahmu, dá mokotongodbí in moiko. Tarimadon in tonggina mita in nabimu mita, dá kodapotanbí monimu in sinayak monimu!”

IBRANI 11:33

Popisí in mosia mopirisaya, dá sinaḷowdon monia in dodatuan mita ibanea. Inaidan monia in onu inta totuu, tuamai in nouḻí monia onu inta pinodandi i Allah. Bibig mita in singa pinomponan monia,

DANIEL 6:14

Bo mosia in noguman kon i datu, “Ki Daniel, intau tobatú inta iḷumbú nongkon Yohuda, diábí nopandungmai kon i Tuangku bo nopoompábímai kon parenta i Tuangku. Sia in nosambayang notompod kotoḷu in tosinggai.”

DATU MITA IMITÁNEA 5:7

Nopia totok in gina i Hiram naonda in nokodongog kon habar tatua. Sia in noguman, “Dinayo-dayowdon in ki Tuhan in singgai in naa, sin sia in nobogoidon kon i Daud in adí ḷoḷaki tobatú inta totuu mobijaksana mobaḻí datu kon bangusa inta moḷoben tua.”

IḶUAIAN 18:9

Nokodongogmai kon tua mita, nosanang totok in gina i Yitro

DANIEL 3:17

Aka ki Allah inta sinumba nami mokoposaḷamat kon inami nongkon tuḷú inta kodoko-dokot tatua bo nongkon kawasa i Tuangku, yo notantúbí kon aidan-Nea intua.

MAZMUR 18:21

Ki Tuhan in notuḻí kon aidku inta noitutui; binarakatan-Nea in akuoi sin akuoi in diá kotaḷá.