DANIEL 6:13 - Alkitab Singog In Mongondow Masa In Tanaa

¹³ minayádon in mosia komintan kon i datu sin mopongadu kon i Daniel. Mosia in noguman, “Ki Tuangku in notekengdon kon surat parenta inta moguman kon diápa ogoi in bayongan intau kon bonu in toḷu nopuḷú nosinggai naa in mopoyaput in oigum kon i dewanea andeka kon intau koḻikudbí in kon i Tuangku! Bo noguman doman, kon ki ine in ḻimimpat kon parenta tatua yo pogambatbí kon bubú in singa?” Ki Datu in notubag, “Totuu, bo parenta tatua in nobaḻídon undang-undang in Media bo Persia inta diábí motaau inggamáan bui.”

DANIEL 6:13 Referans Kwoze

DANIEL 3:12

Táe tongonumai in intau in Yahudi inta ain inogoian i Tuangku in oaidan saḷaku pomarenta kon propinsi in Babel ain nonganggap kon diábí in mangaḻenea in parenta i Tuangku tatua. Mosia tua in ki Sadrakh, ki Mesakh bo ki Abednego. Intau mita tatua in doíbí mosumba kon ilah mita i Tuangku bo doí doman mosumba kon patong buḷawan inta pinosindog i Tuangku.”

OUMAN IN RASUL MITA 5:29

Táe ki Petrus bo ki Yohanes in noguman, “Kami in mustibí mokidongog kon i Allah, deemanbí dumudui kon singog in intau nion.

DANIEL 2:25

Dá ḷagidon dinia i Ariokh in ki Daniel minayá kon i Datu Nebukadnezar bo noguman, “Bobantung naa in nokouḻídon kon sigad in intau mita iḷumbú nongkon Yahudi intau tobatú inta mokopotaau kon mangaḻe in togoindop i Tuangku.”

DANIEL 5:13

Dá ḷagidon dinia kon tayowon i datu in ki Daniel. Bo ki datu in noḻibódon kon inia, “Iko degá in ki Daniel, intau in Yahudi inta iḷumbú, inta ain dinia i amáku nongkon butá in Yohuda?

ESTER 3:8

Bo ki Haman in noguman kon i datu, “Tuang, oyúon in bangusa tobatú inta mokoherang inta noibaya-bayá mako kon batúan in propinsi in dodatuan tanaa. Adat kabiasaannea in noyoposibí totok in bangusa mita ibanea. Mosia in doíbí dinumudui kon hukum mita in dodatuan. Dá, maníka ki Tuang in dikadon mopomayá mako in mosia mogaid kon onuka in kinoibog monia.

DANIEL 1:6

Kon sigad in tayow mobiag mita tatua oyúon doman in ki Daniel, ki Hananya, ki Misael bo ki Azarya, komintan nongkon suku in Yohuda.

OUMAN IN RASUL MITA 17:7

bo sinarima doman i Yason kon baḷoinea. Mosia naa inta umuran moḷawang kon atorang mita i Kaisar kon Rum, sin mosia in noguman kon oyúonbí in datu ibanea inta ki Yesus in tangoinea.”

DANIEL 3:8

Tongonumai in intau in Babel nomaké kon kasampatan tatua sin mopobodito kon intau in Yahudi.

DANIEL 3:11

bo ki ine in doí dumudui kon parenta tatua yo pogonag kon tuḷú inta kodoko-dokot.