DANIEL 5:9 - Alkitab Singog In Mongondow Masa In Tanaa

⁹ Ki Datu Belsyazar inagíandon in ondok bo nobilaidon bui; bo intau moḷobennea doman mita totokdon in notoboḻingo.

DANIEL 5:9 Referans Kwoze

DANIEL 5:6

Nobilaidon totok in sia bo nádomai tua in ondoknea nodapot in nourotdon totok in duḷudnea.

DANIEL 2:1

Kon doḷom tobatú, doyowa notaong naonda in ki Datu Nebukadnezar nomarenta, sinumogoindop in sia. Togoindopnea tua nokoajar totok kon ginanea, dá diádon in sia mokosiug bui.

YEREMIA 6:24

Nokodongog kon habar tatua, intau mita in Yerusalem kinodaitandon in daya. Mosia in inangoian in ondok, bo nororiga naonda bo bobay inta mononggadí.

WAHYU 6:15

Bayongan datu kon dunia naa bo intau mita moḷoben, panglima mita in tontara, intau mita nooyúon, intau mita inta kokawasa, bo intau mita ibanea, pinomayá ata andeka intau inta nobebas, komintan norogadop kon bubú mita in butá bo kon sigad mita in batu in buḷud.

MATIUS 2:3

Naonda in ki Datu Herodes bo bayongan intau kon Yerusalem nokodongog kon soaḷ tatua, noitaḻikokog totok mosia.

DANIEL 10:8

Akuoi in sinaḷáan aku-akuoi mita, sindaḷan nonaridimai kon oontongon inta nokotaḻikokog tatua. Akuoi in diádon kodaya bo pogotku i inimilaidon totok.

YEREMIA 30:6

Tungkuḷaika rai bo taridi! Degá ḷoḷaki mopononggadí in adí? Aka natua, nongonu sin inontong-Ku in bayongan in ḷoḷaki nongo bilaibí bo motonoi kon siannea naonda bo bobay inta mononggadídon?

MAZMUR 48:6

Táe mokoontong kon tombuḷud tatua, noitongau in mosia; nodoḻiok in mosia bo noḷagui notoboḻingo.

MAZMUR 18:14

Bo ki Tuhan in nonggotup nongkon toḷungayá; Ki Inta Totok in Moḷantud nopodongog in singog-Nea.