DANIEL 5:8 - Alkitab Singog In Mongondow Masa In Tanaa

⁸ Intau mita mongopandoi minayá inumuna, táe diá tobatúmai in nongkon sigad monia in mokobaca kon pais tatua andeka mopotaau in mangaḻenea kon i datu.

DANIEL 5:8 Referans Kwoze

DANIEL 2:27

Ki Daniel in notubag, “Tuangku, diábí in intau kototaau, mototaau, mononoḻindap, andeka inta nonotaau kon bobayá in tundi inta mokopotaau intua kon i Tuangku.

DANIEL 4:7

Táe naonda in mononoḻindap, mototaau bo intau mita inta mobayong in sinotaau bo intau mita inta nonotaau in bobayá in tundi namangoi bo inoumanku in togoindopku tatua kon i monia, yo diábí tobatúmai in intau in nokopoguman kon mangaḻenea.

KINOBAḺIAN 41:8

Nobangon monik doḷo-doḷom moajardon totok in ginanea, tuamai sia nomarentadon nokioiní in bayongan mososihir bo intau mita inta mopandoi kon Mesir. Bodongka inoumannea in togoindopnea tatua kon i monia, táe diá tobatúmai in kon sigad monia tua motaau moginsilang kon mangaḻe in togoindopnea tatua.

DANIEL 5:15

Intau mita mongopandoi bo mototaau ain nonungkuḷ nobaca kon pais tanaa bo mopotaau in mangaḻenea kon inakó. Táe diá nokobaca in mosia.

YESAYA 47:9

Táe tongábí tokokiap monag, tongo singgai, doyowa tua in mobaḻí moyododai. Umpaka iko mopomaké in sihir bo sinotaau, yo ki buḷoimu bo ki adímu in gamáanbí doman.

YEREMIA 50:35

Ki Tuhan in noguman, “Moyopúdon in Babel takin rayat bo pojabat in pomarenta takin intau mita mongopandoi monia!

DANIEL 4:18

Ei Beltsazar, tuata in togoindopku. Tanaa in pogumandon kon inakó in mangaḻenea. Diábí tobatúmai in kon sigad in intau mita mongopandoi inta kon bonu in dodatuanku in nokopotaau kon inakó in mangaḻenea, táe iko in mokopotaaubí, sin iko in kinawasa in dimukud in dewa mita inta motusi.”

DANIEL 4:4

Akuoi in nogutun bo nobiag takin notompia kon bonu in komaḻigku bo nobiag nooyúon totok.