DANIEL 5:19 - Alkitab Singog In Mongondow Masa In Tanaa

¹⁹ Totuu moḷoben in sia, nodapot in intau mita nongkon bayongan in bangusa, inanakan, bahasa, mourot bo moondok kon inia. Aka moibog in sia moḻimod kon intau, ḻimodonneabí doman mako in intau tatua. Aka moibog in sia moposaḷamat kon intau, dá posaḷamatonneabí doman in intau tatua. Sia in mopoḷantud andeka mopoompá kon i ineka podudui in ibognea.

DANIEL 5:19 Referans Kwoze

DANIEL 3:6

Ki ine in doí dumudui kon parenta tanaa, yo baḷúdon pogonag kon tuḷú inta koyogot in modokot.”

DANIEL 3:4

nomaḷúdon noropot totok in intau i datu, “Utat mita nongkon bayongan in bangusa, suku in bangusa bo bahasa! Indongogaidon in parenta i datu tanaa:

SURAT I PAULUS KON JAMAAT RUM 13:1

Pomuḷoi intau in musti dumudui kon pomarenta, sin diábí in pomarenta in diá nokouḻí kon kawasanea nongkon i Allah. Bo pomarenta masai naa nopobayá in kawasanea podudui in parenta i Allah.

YOHANES 19:11

Ki Yesus in notubag, “Aka ki Allah diá mobogoi in kawasa tatua kon inimu, yo beresibí diá in kawasamu kon i-Nakó. Tuamai intaubí inta noposarakan kon i-Nakó kon inimu in moḷobe-ḷoben in dosanea nongkon inimu.”

HABAKUK 2:5

Kaoyúonan tatua in umuranbí mongakaḷ kon intau. Intau inta motamaa tatua in moḷoḷatú bo mogagawang. Naonda bo popatoi, sia in diábí doman kon dodai in onda in moorop; bayongan in bangusa tokorambitonnea.

DANIEL 4:22

Oo, Tuangku, ki Tuangkubí in pangkoi in kayu inta moḷantud bo moropot tatua. Koḷoḷoben i Tuangku modugang modapot in ḷangit bo kawasa i Tuangku in moiyoyanú modapot kon popod in dunia.

DANIEL 3:29

Tuamai in akuoi in momarenta kon bayongan in intau nongkon bangusa, inanakan andeka bahasa onuka, inta moningkuḻe kon i Allah inta sinumba i Sadrakh, i Mesakh bo i Abednego, yo pongko-pongkóonbí bo baḷoinea in umpagon bo baḻíon bonturungan in apug. Sin diábí in dewa in mokoaid kon onu inta inaidan i Allah tatua.”

AMSAL 16:14

Torú in datu in naonda bo habar hukuman matoi; intau inta mobijaksana moḷongasi mopoonow kon inia!

WAHYU 5:9

Mosia nopodondong in tobatú dondong mobagu, nanaa: “Iko in patus mogamá kon buk tatua bo moḷosi kon meterainea mita. Sin Iko ain iḻimod, bo dugú-Mu tatua, in pinoguboḻi-Mu kon intau nongkon bayongan suku, bahasa, negara bo bangusa sin ogoi kon i Allah.

DATU MITA 2 25:28

bo nopiadon in pinogogaidnea. Ki Yoyakhin in inogoiannea in ḷoḻitúan inta noiḻiu nongkon datu mita ibanea inta iḷumbú doman kon Babel.

YEHEZKIEL 31:11

Dá inindoí-Kudon in sia bo inogoidon kon mongongawasa ango-angoi, inta mopoaid kon inia podudui in aid moraatnea.

DANIEL 4:17

Tuata in bontow in tosingogon nami malaekat mita inta umuran kiḷuka-ḷukadmai bo inta tantú nokopoingat. Makusud nami in bá intau mita kon ondaka yo mongaku, kon ki Allah Inta Totok in moḷantud in kitogi kawasa kon dodatuan in intau bo dodatuan tatua in ogoi-Nea kon i inekabí in piniḻí-Nea, nodapotbí in kon intau inta totok in diá in mangaḻenea!’

DANIEL 11:3

Onda intua momukádon in datu tobatú inta motorindog totok. Sia in momarentabí kon dodatuan inta totok in moḷoben bo mogaidbí kon onu in koibognea.

DANIEL 11:16

Datu in butá utuan tatua in mogaidbí podudui in ibognea bo diá bidon in moḷawang tongopiḻikmai. Bo ḻitúannea bidon in butá inta mopia tatua bo kawasaannea komintan.

DANIEL 11:36

Datu in butá in utuan in mogaidbí kinoibog in ginanea. Takin ḷumoḷatú sia in moguman kon sia in moḷobe-ḷoben nongkon dewa taondakabí, nodapotbí in moḷobe-ḷoben nongkon i Allah Inta Totok in Moḷantud. Sia in motaaubí in mogaid kon tua modapot in torú i Allah modait. Sin onu inta ain sinantú i Allah mustibí aidan muna.

MOHOHUTUBA 8:3

Onu in koibog in datu motaaubí aidannea, aka kinodoínea, yo maníka mokopoyayú kon inia.

DANIEL 4:19

Nokodongogmai kon tua, ki Daniel inta dinonoi doman ki Beltsazar, noitaḻikokog bo noitongau notoyong. Dá akuoi, ki Datu Nebukadnezar in noguman kon inia, “Beltsazar, dikabí moḻia-ḻiaw in ginamu popisí in togoindop takin mangaḻenea tua.” Ki Beltsazar in notubag, “Tuangku, mopia-piabí aka kuma bo bayongan inta mobaḻí inta sinoḻindap in togoindop tatua bo moiuma kon musung mita i Tuangku bo deeman kon i Tuangku.

DANIEL 11:12

Onda intua moyunggagábí in sia sin nountung bo popisí in noḻimodon kon nobayong in musung, táe kawasanea in diábí mononoi.