DANIEL 4:19 - Alkitab Singog In Mongondow Masa In Tanaa

¹⁹ Nokodongogmai kon tua, ki Daniel inta dinonoi doman ki Beltsazar, noitaḻikokog bo noitongau notoyong. Dá akuoi, ki Datu Nebukadnezar in noguman kon inia, “Beltsazar, dikabí moḻia-ḻiaw in ginamu popisí in togoindop takin mangaḻenea tua.” Ki Beltsazar in notubag, “Tuangku, mopia-piabí aka kuma bo bayongan inta mobaḻí inta sinoḻindap in togoindop tatua bo moiuma kon musung mita i Tuangku bo deeman kon i Tuangku.

DANIEL 4:19 Referans Kwoze

DANIEL 8:27

Onda intua noḷungkoyódon in akuoi bo notakit tongonumai nosinggai in koonggotnea. Nopaḷut mako kon tua nobangondon in akuoi bo buidon nogaid kon oaidanku mita kon i datu. Táe moḻia-ḻiaw in ginaku in moraimai kon oontongon mita tatua bo diá mokomangaḻe.

DANIEL 7:28

Tuatadon in pinoyaput naa. Moḻia-ḻiaw totok in ginaku dá nobilaidon, táe diábí tobatúmai intau in pinopotaauanku intua komintan.

DANIEL 4:24

Tuangku, naa in mangaḻe in oontongon tatua, bo naadon in inta ain sinantú i Allah Inta Totok in moḷantud kon i Tuangku tontaní.

YEREMIA 4:19

Totuu morobonoḷ in dodobku, diádon mokoigon in akuoi in mobaba kon roriga. Diá mokotongod in akuoi in mopoonow in gina putúku in modoḷodok kon bonu in dodob, sin dinongogku in torompet in nosingog, bo kokow in parang kodongogandon mogintubagan.

SAMUEL 1 3:17

Ki Eli noḻibó, “Onu in pinotaau i Tuhan kon inimu? Oumandon komintan kon inakó. Aka oyúon in bunionmu, yo hukumon i Allah in iko.”

HABAKUK 3:10

Nokoontongmai kon ini-Mu, buḷud mita in nodandú nongkon ḷangit noḷabú in uyan naonda bo pinopobutak. Tubig kon ḻimonag in butá moboḷontung in singognea, bokoḷnea in molitodanmai bo monomburá.

DANIEL 7:15

Oontongon mita inta inontongku tatua in mokotoboḻingu bo mokoḻia-ḻiaw kon ginaku.

DANIEL 5:12

Sia diá in poḻiuan kopopandoi bo kobobijaksana bo motaau domandon totok in moginsilang kon mangaḻe in togoindop, mobuká kon onu inta noibuni bo moguman kon onu mita inta mororiga raion. Tangoinea in ki Daniel, táe dinonoi i datu ki Beltsazar in sia. Oiní in sia. Sia in mopotaaubí kon i Tuangku onu in mangaḻe in pais tatua.”

DANIEL 2:26

Dá nogumandon in ki datu kon i Daniel inta dinonoi doman ki Beltsazar, “Degá motaau in iko mopotaau kon inakó in togoindopku takin mangaḻenea?”

DANIEL 1:7

Tongguḷu in motoḷuadí in komaḻig nomaḷui kon tangoi mita monia nobaḻí: ki Beltsazar, ki Sadrakh, ki Mesakh bo ki Abednego.

YEREMIA 29:7

Pogaidon sinbá motompia in kotá mita inta pinoḷumbúan-Ku kon i monimu. Posambayangdon kon i-Nakó sin kopontingan in kotá mita tatua, sin aka kotá mita tatua mobiag mooyúon, yo moiko in mobiagbí doman mooyúon.

DATU MITA IMITÁNEA 18:7

Kon yuak in daḷan ki Obaja noyodungkuḷ i Elia. Naonda in kinotaauannea kon ki Elia intua, sinumungkud in ki Obaja nohoromat kon inia bo noḻibó, “Totuu kon ki Amá inta ki Elia in naa?”

SAMUEL 1 26:15

Tubag i Daud, “Abner, diábí kinotaauanmu degá kon iko nion in intau inta totok in motoyang kon Israel? Nongonu sin diábí iḷukadanmu in ki tuangmu, ki Tuang Datu? Bagupabí oyúon in intau sinumuot kon ḷoḷaiganmu sin moḻimod kon i tuangmu.

SAMUEL 1 24:8

Natuata in pinononggina i Daud kon intaunea mita, bo diá inogoinea in mosia nonubu kon i Saul. Ki Saul in nonaḷámaidon kon angob tatua, bo nongingguputdon kon bobayáannea.

SAMUEL 1 1:15

Táe ki Hana in notubag, “Akuoi in diábí noḷoḷangu, Amá, akuoi in beresibí diá nonginum kon anggur! Akuoi in kinodaitandon kamang, bo mosambayangmai mongonguman kon bayongan in rorigaku kon i Tuhan.

IḶUAIAN 32:32

Akuoi mopoigum totok sinbá ki Tuhan moibogpa mongampung kon dosa monia; aka diá dá popataidon in tangoiku kon bonu in buk intau mita nobiag.”

KINOBAḺIAN 32:18

Dá tubagaidon nanaa, ‘Bobantungmu ki Yakub in kitogi. Sia nokidia in naa mobaḻí sosumbanea kon i Esau, ki tuangnea. Bobantungmu tontaní ki Yakub niondon tayo-tayow mangoi kon tumi nami.’ ”

KINOBAḺIAN 31:35

Bo ki Rahel in noguman kon i amánea, “Donaaidon ki papa tumorú, akuoi in diádon motaau simindog motomu kon i papa, sin akuoi inangoinea.” Ki Laban totokdon nonaridi in notayak, táe diá nouḻínea in patong tatua.

KINOBAḺIAN 40:12

Ki Yusup in noguman, “Naa in mangaḻenea: Tanga toḷu tatua mangaḻenea toḷu nosinggai.

DANIEL 2:37

Inta momulia ki Tuangku in datu in bayongan datu; ki Tuangkubí in inta totok in inogoian in kawasa moḷoben. Ki Allah kon soroga ain nobogoi kon i Tuangku in dodatuan tanaa, kawasa bo ropot bo koagungan.

DANIEL 5:18

Ki Allah Inta Totok in moḷantud nomaḻí kon i Nebukadnezar ki amá i Tuangku nobaḻí datu moḷantud bo nobogoi kon inia in koḷoḷoben bo ponango-nangoian.

DANIEL 5:19

Totuu moḷoben in sia, nodapot in intau mita nongkon bayongan in bangusa, inanakan, bahasa, mourot bo moondok kon inia. Aka moibog in sia moḻimod kon intau, ḻimodonneabí doman mako in intau tatua. Aka moibog in sia moposaḷamat kon intau, dá posaḷamatonneabí doman in intau tatua. Sia in mopoḷantud andeka mopoompá kon i ineka podudui in ibognea.