DANIEL 4:18 - Alkitab Singog In Mongondow Masa In Tanaa

¹⁸ Ei Beltsazar, tuata in togoindopku. Tanaa in pogumandon kon inakó in mangaḻenea. Diábí tobatúmai in kon sigad in intau mita mongopandoi inta kon bonu in dodatuanku in nokopotaau kon inakó in mangaḻenea, táe iko in mokopotaaubí, sin iko in kinawasa in dimukud in dewa mita inta motusi.”

DANIEL 4:18 Referans Kwoze

DANIEL 5:15

Intau mita mongopandoi bo mototaau ain nonungkuḷ nobaca kon pais tanaa bo mopotaau in mangaḻenea kon inakó. Táe diá nokobaca in mosia.

KINOBAḺIAN 41:8

Nobangon monik doḷo-doḷom moajardon totok in ginanea, tuamai sia nomarentadon nokioiní in bayongan mososihir bo intau mita inta mopandoi kon Mesir. Bodongka inoumannea in togoindopnea tatua kon i monia, táe diá tobatúmai in kon sigad monia tua motaau moginsilang kon mangaḻe in togoindopnea tatua.

DANIEL 5:8

Intau mita mongopandoi minayá inumuna, táe diá tobatúmai in nongkon sigad monia in mokobaca kon pais tatua andeka mopotaau in mangaḻenea kon i datu.

KINOBAḺIAN 41:15

Ki datu noguman kon inia, “Akuoi ain sinumogoindop, bo diá tobatúmai intau mokopoguman kon mangaḻenea. Bo oyúon in nopotaau kon inakó kon iko in motaau mopoguman kon inakó in mangaḻe in togoindopku tatua.”

AMOS 3:7

Ki Tuhan Inta Totok in moḷantud in diábí kon dodai in onda in mogaid kon oaidan-Nea aka diápa muna moponiata in tomayá-Nea kon nabi mita, mogogundoi-Nea.

DANIEL 2:7

Mosia in notubag bui, “Oumanon muna Tuang kon inami in togoindop tatua, baintua bo insilangan nami in mangaḻenea.”

YESAYA 19:3

Diábí pobaḻíon-Ku in tomayá mita in Mesir bo momutoḷ kon ibog in gina monia. Mosia in mopoigumbí in totuḷung kon berhala mita, mopoigum kon tonggina bo topotundú kon mongongundam mita bo dimukud mita.

KINOBAḺIAN 40:12

Ki Yusup in noguman, “Naa in mangaḻenea: Tanga toḷu tatua mangaḻenea toḷu nosinggai.

DANIEL 1:20

Pomuḷoi in ki datu mongonguman kon soaḷ inta paraḷuon insilangan bo raion, dá indoianneamai kon tonggina bo tubag inaya opat tua in mopia-pia totok nongkon tonggina bo tubag in bayongan mononoḻindap bo mototaau mita kon bayongan in dodatuannea.

DANIEL 2:38

Ki Tuangku in binaḻí-Nea pongawasa kon tonsilai in dunia inta oyúon in nogutun bo kon bayongan in ḷagapan bo mahaḷuk ibanea. Ki Tuangku tontaní in inta uḷu buḷawan kon patong tatua.