DANIEL 3:22 - Alkitab Singog In Mongondow Masa In Tanaa

²² Popisí in parenta i datu tatua totuu motogat, dá tuḷú tatua in inaidandon totok in kinopatú dá dokot in tuḷú nomokak nodapot in minatoi kon intau mita inta nobuat kon i Sadrakh, kon i Mesakh bo kon i Abednego pinodiug kon tuḷú.

DANIEL 3:22 Referans Kwoze

AMSAL 21:18

Aka intau mita hukumon i Tuhan, deemanbí intau mopia, táe intaubí moraat in mokouḻí kon roriga.

AMSAL 11:8

Intau mobanar in moisimparutbí kon roriga; intau moraat in moyodungkuḷbí in tongkuḷabot.

IḶUAIAN 12:33

Intau mita in Mesir mondodak kon intau mita in Israel sinbá ḷagidon monaḷámai kon butá tatua. Guman monia, “Kami komintan in modaitdon matoi aka moiko diá mayá nongkon butá nami naa!”

OUMAN IN RASUL MITA 12:19

Bo pinoki tayak i Herodes kon intau mita tatua in ki Petrus, táe diá nouḻí monia. Dá pinoki pirikisadon i Herodes in tontara mita inta moḷoḷukad, nopaḷut mako bo pinoki ḻimod nodait in mosia. Onda intua ki Herodes minayádon nongkon Yudea bo nogutun tongonumai nosinggai kon Kaisarea.

MATIUS 27:5

Bo pinogarabnea in doit tatua kon bonu in Baḷoi Tuhan, bo minayá ginumantong.

DANIEL 6:24

Totok in nopia in gina i datu bo pinarentaneadon sinbá ki Daniel in poḷuaiondon kon angob tatua. Naonda in inaidandon in parenta tatua, noniata magí yo diábí in kekeb topiḻikmai kon i Daniel, sin sia in nopirisaya kon i Allahnea.

DANIEL 2:15

ki Daniel in noḻibó kon inia, nongonu sin ki datu in nopoḷuai bidon in parenta inta motogat tatua. Ki Ariokh in nopotaau kon i Daniel in onu inta ain nobaḻí.

DANIEL 1:7

Tongguḷu in motoḷuadí in komaḻig nomaḷui kon tangoi mita monia nobaḻí: ki Beltsazar, ki Sadrakh, ki Mesakh bo ki Abednego.

DATU MITA IMITÁNEA 13:28

Nouḻínea in mayat in nabi nongkon Yohuda tatua noiukatpa mako kon daḷan takin keledai bo singa in kon diugnea. Singa tatua in diábí nodomok kon keledai tatua, bo diábí doman nokaan kon mayat tatua.