DANIEL 3:18 - Alkitab Singog In Mongondow Masa In Tanaa

¹⁸ Táe aka kuma bo doí doman in Sia moposaḷamat, yo igumon mako ki Tuangku in monotaau kon kami in diábí mosumba kon dewa i Tuangku bo diábí doman mosumba kon patong buḷawan inta pinosindog i Tuangku tatua.”

DANIEL 3:18 Referans Kwoze

MATIUS 10:39

Bo ki ine in moramuji mobiag yo sia in matoi, táe ki ine in matoi sin dinumudui kon i-Nakó, yo sia in mosaḷamat.”

WAHYU 12:11

Dugú i Adí in Domba bo Habar Mopia nongkon i Allah inta pinotaau monia, tua in pinaké i utat mita naton nonaḷow kon inia. Mosia in diábí moondok in matoi.

YOSUA 24:15

Aka kuma bo moiko doí mogundoi kon i Tuhan, ponantúdon kon tosingogon in singgai naa doman ki ine in koibog monimu sumbáan: kon i ilah mita ibanea inta sinumba in mogoguyangmu kon Mesopotamia koḻipod ande kon ilah mita in intau in Amori inta butánea in pinogutunan monimu masai naa. Táe kami – akuoi bo tombonu in baḷoiku – in umuranbí mogundoi tongá kon i Tuhan.”

DANIEL 3:28

Bo nogumandon in ki datu, “Dinayo-dayowdon in ki Allah inta sinumba i Sadrakh i Mesakh bo i Abednego. Sia in nopotabádon kon malaekatnea sin moposaḷamat kon bobantungnea taya toḷu tatua inta mopirisaya kon i-Nia. Mosia in iḻimimpatdon kon parentaku bo moibo-ibogbí kon matoi aka mosumba andeka modayow kon dewa taondaka koḻikudbí in ki Allah monia tontaní.

AMSAL 28:1

Intau moraat moḷagui umpaka diá in mogaḷow kon inia, táe intau motuḻid in gina, mobarani ná singa.

AYUB 13:15

Nopoḷok bidon in raianku sin diádon in kamang! Aka ki Allah in moḻimod kon inakó, diábí nongonu, tongá belaankupa in oaidku kon tayowon-Nea.

OUMAN IN RASUL MITA 4:19

Táe ki Petrus bo ki Yohanes in noguman kon i monia nanaa, “Raidon monimu kopia mongo onda in mopia-pia kon tayowon i Allah: Dumudui kon parenta monimu mongo dumudui kon parenta i Allah.

IMAMAT 19:4

Dika mosumba kon toḻindua i Tuhan. Dika momia kon patong nongkon logam bo sumbáan monimu. Akuoi in ki Tuhan Allahmu.

MATIUS 10:28

Bo donaaibí moondok kon i monia inta moḻimod kon awak, táe diá inogoian in kawasa morabut kon nyawa. Kotoguondokbí kon i Allah inta kokawasa moḻimod kon awak bo morabut kon nyawa kon bonu in naraka.

MATIUS 16:2

Táe ki Yesus in notubag, “Aka singgai moḷoḷabungdon bo indoianmai monimu in ḷangit mopuya, dá moiko in moguman, ‘Mopia totok in singgai naa.’

IBRANI 11:25

Sia in moibo-ibogbí mobiag moyoyiga moyotakin in umat mita i Allah, doíbí in sia nobiag nosanang táe umuran kinawasaan in dosa.

DATU MITA IMITÁNEA 19:14

Ki Elia in notubag, “Oo Tuhan, Allah Inta Totok in mokawasa, akuoi naa in umuran mogaid tongá kon ini-Mu. Táe umat in Israel in iḻimimpatdon kon dodandian monia takin-mu. Mosia in nongokaidon kon mezbah-Mu mita bo noḻimod kon nabi-Mu mita. Dongkadon akuoi in naa, bo tanaa in tayakon monia ḻimodon in akuoi!”

DATU MITA IMITÁNEA 19:18

Táe 7.000 in intau in Israel in posaḷamaton-Kubí, mosia inta umuran mosatia kon i-nakó bo inta diá kon dodai in onda in sinumungkud nosumba kon patong i Baal andeka mongayok kon tua.”