DANIEL 2:34 - Alkitab Singog In Mongondow Masa In Tanaa

³⁴ Kon tungkuḷ in ki Tuangku koyogot in moindoi mako, batu tobatú noḷabú nongkon irib, táe diábí iḻiai in intau, bo noigonag kon patong tatua kon sioḷnea inta pinomia nongkon uatoi bo butá ḷamentong tatua, dá norimumud.

DANIEL 2:34 Referans Kwoze

DANIEL 8:25

Popisí in sia moakaḷ, uboḷnea mita in mobaḻíbí. Sia in ḷumoḷatúbí, bo diábí in sia muna mobogoi in tompoingat momutú in sia kon mobayong in intau. Nodapotbí in sia mokobaḻí in monayow kon i Datu Inta Totok in moḷoben. Táe sia in rimumudonbí deemanbí mopomaké in ropot in intau.

ZAKHARIA 12:3

Táe aka singgai tatua moiangoi, baḻíon-Ku in Yerusalem naonda bo batu inta mobogat; bangusa taondaka in moḷongasi mobuat kon tua yo moboditobí. Bayongan in bangusa kon dunia in dumugangbí sin monubu kon Yerusalem.

YESAYA 60:12

Bangusa bo dodatuan inta doí mobantung kon inimu, in moyopúbí bo moinggamádon.

KORINTUS 2 5:1

Sin kinotaauanbí nami kon aka baḷoi – makusudnea awak naton – inta pinogutunan naton kon dunia naa bo rumbunon, yo posadiaanbí i Allah in kita kon baḷoi inta kon soroga. Tampat inta pinomia i Allah tontaní bo inta diá mogogu-goguyaat.

ZAKHARIA 4:6

Malaekat tatua in nopotabá kon inakó mopotaau kon i Zerubabel in koyow i Tuhan tanaa, “Deemanbí pinodoyon kon ropot in tontara bo deemanbí doman pinodoyon kon ropotmu tontaní iko in mountung, táe noidoyonbí kon roho-Ku.

DANIEL 7:27

Kawasa bo koḷoḷoben in bayongan in dodatuan kon dunia in ogoi kon umat i Allah Inta Totok in moḷantud. Kawasa monia momarenta in diábí in imbuitnea bo bayongan in mongongawasa kon dunia naa in mobantungbí kon i monia takin toindudui.”

YESAYA 28:16

Tuamai, ki Tuhan Inta Totok in moḷantud noguman nanaa, “Akuoi in mogukat kon dodoyonan inta moropot bo motorindog kon Sion; batu orotan tobatú inta moḷoben in mangaḻenea inta pinaisan: ‘Ki ine in morigon in pirisayanea, diábí umundok popisí in taḷowon.’

PETRUS 1 2:7

Moḷoben totok mangaḻe in batu tatua kon i monimu inta mopirisaya. Táe aka kon i monia inta diá mopirisaya, mobaḻíbí in onu inta ain pinais kon Buk Motusi nanaa, “Batu inta diá pinaké in intau mita inta mogogaid kon bangunan tua noniata magí yo nobaḻídon batu inta totok in moponting,”

MATIUS 16:18

Bo Akuoi in moguman doman kon inimu, iko in ki Petrus, kon tudu in batu karang tanaa posindogon-Ku in jamaat-Ku; bo diábí in mokotaḷow umpakabí popatoi!

MAZMUR 118:22

Batu inta iḷumbú in mogogaid mita kon baḷoi, ain nobaḻí batu tongguḷunea.

WAHYU 17:14

Mosia in noyopakat kon moparang kon i Adí in Domba tatua. Táe ki Adí in domba tatua takin dumodudui-Nea mita inta mosatia bo inta ain inoiní bo piniḻí-Nea tatua in monaḷow kon datu mita tatua, sin Siata in Tuang in bayongan tuang, bo Datu in bayongan datu.”

WAHYU 11:15

Bo malaekat impitunea in nogirup kon torompetnea, dá kinodongogandon in singog mita inta mongoḷangon totok nongkon soroga noguman, “Kawasa momarenta kon dunia naa, masai naa kinadaiandon i Tuhan naton, bo i Datu mopoposaḷamat inta pinodandi-Nea. Sia bidon in momarenta modapot in mononoi!”

IBRANI 9:24

Sin ki Kristus in diábí sinumuot kon Yuang Motusi inta pinomia in intau, inta nobaḻí lambang in yuang Motusi inta totokea. Ki Kristusbí tontaní in sinumuot kon soroga; tanaa Sia in minayá kon tayowon i Allah sin lantaran kopontingan naton.

OUMAN IN RASUL MITA 4:11

Ki Yesusbí tua inta imakusud in tontagá kon Buk Motusi nanaa, ‘Batu inta iḷumbú in intau mita mogogaid kon bangunan, naanta nobaḻíbí batu inta totok in baraguna.’

YOHANES 1:13

inta pinononggadí deeman nongkon intau, sin kobiagan mobagu tua in nongkon i Allahbí in pangkoinea.

YESAYA 8:9

Poyosipundon takin urot, ei bayongan bangusa! Indongogaidon ei popod mita in butá! Posadiadon moparang, táe takin gina inta mourot! Oo, posadiadon, táe takin urot!

DANIEL 2:33

paanea in nongkon uatoi bo sioḷnea tongopongkó in nongkon uatoi bo topongkó doman in nongkon butá ḷamentong.

YEHEZKIEL 32:28

Natuata intau in Mesir ḷobongon bo uḻidon kon yuak in intau mita inta diá nonotaau kon i Allah bo minatoi kon pinoparangan.

YEHEZKIEL 47:5

Komintanpa doman in sia nogukur kon ḻima nogatut nometer, bo kon tua tubignea in noiḻiudon in ḻinow ḷoḷanan in sioḷ. Aka intau moibog in intau ḷumoḷan yo mustibí in sia ḷumanguy.