DANIEL 11:19 - Alkitab Singog In Mongondow Masa In Tanaa

¹⁹ Datu in butá in utuan tatua in mobuibí kon tondok dinding mita in butánea tontaní, táe sia in taḷowondon bo diá bidon in habar bui kon inia.

DANIEL 11:19 Referans Kwoze

YEHEZKIEL 26:21

Iko in baḻíon-Ku contoh inta mokokoningkim, bo tuata in imbuit in ouman kon inimu. Intau mita in motayakbí kon inimu, táe diábí mouḻí in iko. Akuoi ki Tuhan Inta Totok in moḷantud ain nosingog.”

MAZMUR 37:36

Kon tungkuḷ in akuoi moitaḻib, sia in diá bidon onda, sinayakku in sia, táe diá nouḻíku.

YEREMIA 46:6

Inta modoḻikot in diádon nokopoḷagui, bo inta motorindog in diádon noiḷagui kon musung. Mosia in noidatong bo noḷabú kon utuan, kon bingkí in Ongkag in Eprat tua.

MAZMUR 27:2

Aka akuoi tubuon in intau moraat inta moibog moḻimod kon inakó, yo mosiabí in moipintud bo moḷabú.

AYUB 20:8

Sia in mobuḻi naonda bo oḻinow in togoindop, moinggamá naonda bo oontongon kon dodai in doḷom.

YESAYA 24:20

Bal in dunia moikuyung mako naonda bo intau noḷoḷangu bo moandag magí-mako naonda bo ḷaig inirup in deḷang. Dunia noumpag popisí in nobogat in dosanea. Norimumud in sia bo diá bidon moisindog bui.

DANIEL 11:7

Diá noonggot kon tua, intau tobatú inta ginaḷum i adí bobay in datu tatua in mobaḻí datu. Sia in monububí kon tontara in datu kon butá in utuan, monubu kon dinding tondoknea bo poḷat monaḷow kon inia.

AYUB 34:24

Diá bidon monaridi bo momirikisa in Sia in mopogogai kon pongawasa bo moduí kon toḻiunea.

MAZMUR 37:35

Akuoi in nokoontongdon kon intau moraat tobatú inta moambungangaḷ; sia in naonda bo pangkoi in kayu inta mopia bo uakatnea in noikanom noonag.