DANIEL 10:7 - Alkitab Singog In Mongondow Masa In Tanaa

⁷ Tongábí akuoi tontaní in nokoontong kon oontongon tatua. Intau mita inta noyotakinku in diábí nokoontong kon tua, táe mosia in inangoian in ondok dá noḷagui bo nogadop.

DANIEL 10:7 Referans Kwoze

OUMAN IN RASUL MITA 9:7

Bayongan in intau inta noyotakinnea in nongoitaḻikokog bo pinunguḷ; sin mosia in nokodongog domandon kon singog tatua táe diábí tobatúmai intau in inontong monia.

OUMAN IN RASUL MITA 22:9

Intau mita inta noyotakinku in nokoontong doman kon sindar tatua, táe singog in diábí dinongog monia.

KINOBAḺIAN 3:10

Ḷoḷaki tatua in notubag, “Naonda in dinongogku kon ki Tuhan niondon kon taman; inagían totok in ondok in akuoi sin nomilang, tuabí manangka intua akuoi in nogadop.”

IBRANI 12:21

Inta inontong in intau mita Israel tua in mokoondok totok dapot in ki Musa nosingog nanaa: “Moondok bo mouyot in akuoi!”

YESAYA 2:10

Mosia in tumuot kon bonu in angob mita kon buḷud mita in karang, andeka mongaḻi kon bubú kon bonu in butá sinbá moiḷagui kon torú i Tuhan bo nongkon kawasa-Nea inta moḷantud.

YEHEZKIEL 12:18

“Ei intau inta ilo-ilow, kogugurdon kon dodai in iko mongaan, bo kourotdon in ondok kon dodai in iko monginum.

YEREMIA 23:24

Diábí tobatúmai in mokopogadop kon i-Nakó, sin Akuoi in oyúonbí kon bayongan tampat: kon soroga bo kon dunia.