AYUB 9:6 - Alkitab Singog In Mongondow Masa In Tanaa

⁶ Baḻíon i Allah in ḻinug nodapot in nodandú in butá naa, bo oigi tumbok in dunia modandú totok,

AYUB 9:6 Referans Kwoze

IBRANI 12:26

Kon wakutu intua singog-Nea mokodoḻiok kon dunia naa. Táe tanaa mako Sia in nodandi, “Komintanpa doman Akuoi in mogaid kon inta mokodoḻiok, deemanbí tongá kon dunia naa táe kon ḷangitbí doman.”

HAGAI 2:6

Kon modiugmai naa guguron-Kudon in ḷangit bo butá, toba bo dagat.

MAZMUR 75:3

Ki Allah in noguman, “Kon wakutu inta sinantú-Ku, Akuoi in mohakimbí koadilon.

YESAYA 2:19

Kon dodai in ki Tuhan simindog bo modandú kon butá, intau in tumuotbí kon bonu in angob mita kon buḷud mita in karang andeka mongaḻi kon bubú kon bonu in butá sinbá moiḷagui kon torú i Tuhan bo nongkon kawasa-Nea inta moḷantud. Aka singgai tatua in moiangoi, berhala mita saḷaka bo buḷawan inta pinomia bo sinumba monia tua in taḷaanbí mako natua ogoi kon boyod bo poniki.

AYUB 26:11

Aka Sia in mongguak pinongin singog modorasing, oigi mita pinotumbok kon ḷangit in mogugur.

HAGAI 2:21

sin potaau kon i Gubernur Zerubabel. Guman i Tuhan, “Diádon moonggot ḷangit bo butá in guguron-Ku,

MAZMUR 114:7

Ei butá, kourotdon in kon tayowon i Tuhan, kon tayowon i Allah Yakub,

WAHYU 20:11

Nopaḷut mako kon tua, akuoi in nokoontong kon tobatú tampat pomomarentaan inta nobudó bo inta noḷoben bo Sia in iḻimitú kon tua. Ḷangit bo butá noinggamá nongkon tayowon-Nea, sahingga in diádon bui koontongan.

YOËL 2:10

Kon tungkuḷ in mosia minayá butá nogugur, bo ḷangit in nodandú doman. Bo nosindipdon in mata in singgai bo buḷan, bo sindar in tundi mita noinggamádon.

YEREMIA 4:24

Inontongku in buḷud bo tombuḷud mita inta moḷantud modandú motoyang totok.

YESAYA 24:1

Ki Tuhan in moyompatbí kon dunia, modapot in mobaḻídon moḷogat bo moingongow. Baḻintuangon-Neabí in tudunea bo poyayiton in intaunea mita.

SAMUEL 1 2:8

Nongkon roriga binuat-Nea in intau inta diá koonu bo onu, nongkon roriga pinoḷuat-Neadon in intau inta mokooyá. Mosia in binaḻí-Nea yobayat in intau mita moḷoben, bo inogoian in tangoi moḷantud. Aip in butá naa ki Tuhanbí in kitogi, kon ḻimonikannea pinosindog-Nea in dunia.

MAZMUR 114:6

Nongonu sin mosimbananbí in moiko ei buḷud mita, bo morotayok in moiko ei tombuḷud mita?