AYUB 8:6 - Alkitab Singog In Mongondow Masa In Tanaa

⁶ aka ginamu mojujur, diá in noitaḷá, ki Allah in ḷagibí motuḷung kon inimu, bo mobaḻí tontuḻínea, tonibuḷoimu in buidon tompiaan.

AYUB 8:6 Referans Kwoze

YESAYA 51:9

Sindogdon o Tuhan, tuḷungaidon in kami, posaḷamatdon in kami in kawasa-Mu. Sindogdon ná kon tungkuḷ intua kon tungkuḷ in iko nomutuk kon i Rahab bo nonumbuk kon naga in dagat tatua nodapot in minatoi.

YESAYA 3:10

Ki Tuhan in noguman, “Poyaputdon kon intau inta motoindudui kon i-Nakó kon mosia in mopiabí bo mosaḷamat. Mosia in mokaanbí kon bungai in siniḷopíannea.

AMSAL 15:8

Ki Tuhan in motarima kon sambayang in intau mopia, táe doíbí in Sia kon sosumba in intau moraat.

AYUB 5:24

Iko in moamanbí in mogutun kon ḷoḷaiganmu; bo aka indoianmu in dombamu mita, yo komintanbí nosaḷamat, diábí in nogaat.

MAZMUR 7:6

yo pomayádon mako in akuoi inaḷowan bo dinomok in musung, poḷat iḻimod bo sinaḷáan mako natua kon butá.

AYUB 16:17

Táe diábí in akuoi nogaid kon inta moraat; noniata kon motuḻidbí in sambayangku kon i Tuhan.

TIMOTIUS 1 2:8

Ibogonku kon ondakabí, yo bayongan in ḷoḷaki musti mosambayang takin gina motuḻid, diá in yogenggeng ande bobayowan.

YESAYA 1:15

Aka moiko motonggó kon ḻimamu sin mosambayang, doíbí in Akuoi moindoimai. Diábí pandungon-Ku mongo kotongonu in moiko mosambayang, doíbí in Akuoi mokidongog, sin ḻimamu tatua in pinoḻimodmu kon nobayong in intau.

MAZMUR 44:23

Popisí in dinumudui kon ini-Mu dá kami in umuranbí gogondokon in popatoi, bo pinomia naonda bo domba inta rorataan.

AYUB 1:8

Bo ki Tuhan in noḻibó, “Degá sinaridimudon in mogogundoi-Ku ki Ayub? Kon sinangkub in dunia naa diábí in intau inta ná kotoindudui bo ná kopopia in ginanea. Sia in nosumba kon i-Nakó bo diábí nogaid kon tobatúmai in moraat.”

AYUB 34:28

Mosia in nokopopisí kon inta nobogá morogamui ombaḷ monia inindogogan i Allah.

AMSAL 3:33

Ki Tuhan in mongutuk kon baḷoi in intau moraat, táe momarakatbí kon baḷoi in intau inta motoindudui kon i-Nia.

AYUB 11:14

Inggamáaidon in dosa nongkon ginamu bo poyayúdon inta moraat nongkon baḷoimu!

MAZMUR 18:25

Dá ki Tuhan in notuḻí kon oaidku inta noitutui sin kinotaauan-Nea kon akuoi in diábí kotaḷá.