AYUB 8:22 - Alkitab Singog In Mongondow Masa In Tanaa

²² Intau inta mondoí kon inimu in mooyábí bo morasa kon moompádon, bo baḷoi in intau moraat in poguyaatonbí modapot in moyopú.”

AYUB 8:22 Referans Kwoze

MAZMUR 132:18

Dodatuannea in umuranbí mobiag mooyúon, táe musungnea mita in pokopooyáanbímai.”

MAZMUR 109:29

Biódon mako in intau mita inta moponapud kon inakó ḻibutan in empeng, bo oyá in mongoḷob kon i monia naonda bo jubah.

MAZMUR 35:26

Biódon mako in intau inta mosanang in gina in nokoontong kon rorigaku in motoboḻingodon bo mooyádon. Biódon mako in intau inta ḷumoḷatú kon inakó in singkuḻeon bo pokopooyáanmai.

AYUB 18:14

Sia in inagow nongkon ḷoḷaigannea tampatnea inta moaman, bo pinogambat sin mayá tumayow kon popatoi.

AYUB 8:18

Táe, tungkuḷaika, rabut in tanaa mako in padang tatua, dá naonda bo diábí kon dodai in onda in sia in kon tua.

AYUB 7:21

Diádon degá mokoampung in Iko kon dosaku? Diádon degá in Iko mokopopat kon taḷáku? Diádon moonggot bo akuoi moiuḻid kon bonu in poḷoḷobongan, bo aka tayakon-Mu in akuoi, diá bidon mouḻí-Mu.”

PETRUS 1 5:5

Ná doman tua, utatku mita inta nongomudapa, mokopotoindudui kon guyanga mita. Moiko in musti mokopoompá kon dodia bo moibog doman mosibantungan sin kon Buk Motusi ain pinais nanaa: “Ki Allah in mohukum kon intau inta mokaḷakuang, táe motabibí kon intau inta moompá in dodia.”

AYUB 4:21

Dá nobuḻidon in bayongan inta kon inia; sia in minatoi takin diá nokouḻí kon gina mopia.’

AYUB 8:15

Moropot degá in pugad tatua aka baḻíon oandoḷan? Mokotahang degá in siningkoi tatua aka baḻíon kokadaian?’

AYUB 9:1

Táe ki Ayub in notubag, “Totuu, kinotaauanku, singogmu mita tatua in diábí noitaḷá. Táe, diábí doman intau mopelekara moḷawang kon i Allah bo monaḷow kon i-Nia?

AYUB 15:34

Intau inta moraat diábí mokouḻí kon bui; nodait nopokak in baḷoi inta pinosindognea nongkon onu inta inogoi pinosogó.

AYUB 21:28

Iko in noḻibó, “Kon onda in baḷoi i mongongawasa inta nomia kon inta moraat?”

AYUB 36:6

Intau baradosa in diábí binió-Nea mobiag moonggot, Sia in mobogoi in moadil kon intau inta mororiga.

YEHEZKIEL 7:27

Datu in mogamui, ki adí ḷoḷaki in datu kobuḻian in kamang bo rayat in gugur mako sin moondok. Akuoi in mohukumbí kon i monimu podudui in bayongan in aidmu bo mohakim kon i monimu ná pinohohakim monimu kon intau ibanea. Dá kotaauandon monimu kon Akuoibí in ki Tuhan.”

YEHEZKIEL 26:16

Mokoontong kon ukurmu, datu mita nongkon bangusa mita kon pintad in simindog nongkon pomomarentaan, moḷongkut kon pakeang in datu bo ḷambung monia inta sinomboréan, bo ḻimitú kon butá urot mako. Totokdon in moondok in mosia modapot in diádon moonow.

AMSAL 14:11

Baḷoi in intau mopia umuranbí moroton; baḷoi in intau moraat in moumpagbí.

ZAKHARIA 5:4

Ki Tuhan Inta Totok in mokawasa in noguman kon kutukan tatua in popouma kon batúan in baḷoi in mononakow bo baḷoi in intau inta nongibot kon diá totuu. Baḷoi mita tatua in tantú kotugatan in kutukan tatua modapot in mobaḻídon apug mita.”