AYUB 7:7 - Alkitab Singog In Mongondow Masa In Tanaa

⁷ Toropdon, o Allah, kobiaganku in tongábí tompot poginaan; kobiaganku inta mopia in nobuḻi, diá in toimpaḷot.

AYUB 7:7 Referans Kwoze

YAKOBUS 4:14

Onu in mobaḻí kon kobiaganmu ikoḷom, diábí doman kinotaauanmu tontaní! Moiko nion in tongábí naonda bo poyok inta koontongan motoyong, onda intua diádon.

MAZMUR 78:39

Kinotoropan-Nea kon mosia in tongábí mahaḷuk inta mato-matoi, naonda bo tompot inta noitaḻib bo diá bidon mobui mangoi.

YEREMIA 15:15

Bo akuoi in noguman, “Tuhan, Iko in nomangaḻe. Toropdon bo tuḷungaipa kaasí in akuoi. Tuḻíaidon in mosia inta nogaḷow bo inta nomogutú kon inakó. Dika moiḻiu in sabar kon i monia modapot in mosia bain mokoḻimod kon inakó. Toropdon kon popisí in Iko dá akuoi in siningkuḻe.

MAZMUR 89:47

Modapot in toonu Iko in mogadop, o Tuhan? Modapot in toonu in torú-Mu tumagab naonda bo tuḷú?

MAZMUR 89:50

O Tuhan, kon ondadon degá in tomponuot in tabi-Mu inta dungkuḷ, inta pinodandi-Mu kon i Daud pinodoyon kon kososatia-Mu?

MAZMUR 74:18

Toropdon naonda in pinononingkuḻe in musung kon ini-Mu, o Tuhan, bangusa inta diá nonotaau kon ini-Mu nohojat kon tangoi-Mu.

MAZMUR 74:22

Sindogdon o Allah, duḷuaidon in pelekara-Mu! Sin kinoouput in singgai Iko in singkuḻeon in intau mita inta diá mopirisaya kon ini-Mu.

AYUB 10:9

Toropdon kon nongkon butá ḷamentong Pinomia-Mu in akuoi! Umpaka yo baḻíon-Mu bui in akuoi ḷobud?

AYUB 9:25

Singgaiku mita moitaḻib moḻikat totok, bo moḷagui takin diá in sanang.

NEHEMIA 1:8

Oo Tuhan, toropdon in tosingogon-Mu mita inta siningog i Musa pinodoyon kon parenta-Mu, kon aka kami, umat in Israel, diá mosatia kon ini-Mu, kami in porariton-Mu kon sigad in bangusa mita ibanea.

KINOBAḺIAN 42:36

Bo ki amá monia in nosingogdon, “Moiko ain nokopopisí kon akuoi in kinobuḻiandon i adíku mita. Ki Yusup in diádon; ki Simeon diádon; bo tanaa moiko in mogamá domandon kon i Benyamin. Moiḻiudon totok in rorigaku!”

AYUB 7:16

Moḷopí bo mobú in akuoi in mobiag; moibogdon in akuoi in matoi! Pomayádon mako in akuoi, sin diá in mangaḻe in kinobiaganku.

MAZMUR 4:6

Posumbadon in sosumba inta kinoibog-Nea bo popirisayadon kon i Tuhan.

AYUB 10:20

Ah, diádon moonggot bo matoi in akuoi, dá pomayádon mako in akuoi tontaní, sinbá korasaankupa in kobiaganku inta kiagatneapa tanaa.

MAZMUR 39:6

Totuu mopoḷok in kobiaganku inta sinantú-Mu! Aka kon ini-Mu wakutu kinobiaganku diábí in mangaḻenea. Totuu, intau naa in tongábí naonda bo poginaan,