AYUB 7:6 - Alkitab Singog In Mongondow Masa In Tanaa

⁶ Kobiaganku inta diádon in kamang ḻimikat in mopobayá in imbuitnea, noiḻiu kon ḻikat in intau mogogaboḷ moburow kon gogaboḷannea.

AYUB 7:6 Referans Kwoze

AYUB 9:25

Singgaiku mita moitaḻib moḻikat totok, bo moḷagui takin diá in sanang.

AYUB 17:15

Kon onda in kamang kon inakó; ki ine in mokoontong kon oyúon in kobobiag mopia kon inakó?

PETRUS 1 1:24

Kon bonu in Buk Motusi pinaisdon nanaa: “Bayongan in intau kon dunia naa naonda bo bonok, bo bayongan in kamuliaannea naonda bo bungai in bonok. Bonok moḷaḷow, dá bungainea in mototak doman;

AMSAL 14:32

Intau moraat moyopú popisí in aidnea moraat, intau mopia ḷukadan in aidnea inta motuḻid.

MAZMUR 144:4

Intau tua in naonda bo tompot poginaan, naonda bo oḻinow noitaḻib, natua in kobiagannea.

AYUB 17:11

Singgaiku mita in noitaḻibdon, diádon nobaḻí in bayongan tomayáku; nobuḻi domandon komintan in bayongan koibog in ginaku.

YAKOBUS 4:14

Onu in mobaḻí kon kobiaganmu ikoḷom, diábí doman kinotaauanmu tontaní! Moiko nion in tongábí naonda bo poyok inta koontongan motoyong, onda intua diádon.

YAKOBUS 1:11

Kon dodai mata in singgai momuká bo mopatúdon totok, yo moḷaḷow in bonok tatua sahingga in bungainea moḷabúdon bo diá domandon mopira. Natua doman intau nooyúon, morimumud in sia kon dodai in sia yogot mopobayá in totayaknea.

EPESUS 2:12

Kon wakutu intua moiko in diápa notobatú i Kristus, yo moiko nion intaubí mita mokokiangoi inta diá noitakin kon umat inta piniḻí i Allah. Bo moiko in diábí doman noibonu kon dodandian inta inaidan i Allah takin umat-Nea. Moiko in nobiag kon dunia naa takin diá koharapan bo diá doman in Allah.

MAZMUR 102:11

sin Iko in nobuatdon bo nopogambat kon inakó kon bonu in torú-Mu inta sinumaga-tagab.

AYUB 16:22

Taongku mita inta kiagatnea in noyakagdon; topiḻikpa bo mayá in akuoi bo diá bidon mobui mangoi.

AYUB 13:15

Nopoḷok bidon in raianku sin diádon in kamang! Aka ki Allah in moḻimod kon inakó, diábí nongonu, tongá belaankupa in oaidku kon tayowon-Nea.

AYUB 6:11

Onubí in ropotku nodapot in akuoi tantúpa oyúon? Onu in kamangku kon mobiagpa moonggot?

YEREMIA 2:25

Israel, dikabí in iko moribatuk in mogaḷow kon dewa mita, bo dikabí momaḷú in mogoiní kon i monia, sinbá diá tompaḻían in sioḷmu bo moingkag in sigogowmu popisí in morogang. ‘Diá, akuoi in diá bidon mobui,’ gumanmu, ‘sin akuoi in moibog kon dewa mita, bo moibog dumudui kon i monia.’ ”

PETRUS 1 1:13

Tuamai moiko in musti umuran mobasadia. Pokoingat bo totu-totuu poharap kon barakat inta bain ogoi kon i monimu kon wakutu in ki Yesus Kristus mamangoi bui.

AYUB 14:19

Batu mita in iiton in tubig inta motorú in koiḻignea; butá in iḻigon in uyan inta morogot. Natuata in pororimumud-Mu kon kamang in intau.

AYUB 17:16

Aka akuoi moponag kon dunia in intau minatoi, akuoi in diá bidon bui in kamang.”

AYUB 19:10

Sia in nondangat kon inakó nongkon bayongan tampat, naonda bo intau norabut kon uakat in pinomuḷa, bo pinomayánea mako natua bo noḷaḷow, natuata in pinogogamá-Nea kon bayongan in kamangku.

AYUB 17:1

Singgai kopatoianku in nodiugdon, gogiódon mobontow in poginaanku; dongkadon poḷoḷobongan in moyotakinku.