AYUB 7:21 - Alkitab Singog In Mongondow Masa In Tanaa

²¹ Diádon degá mokoampung in Iko kon dosaku? Diádon degá in Iko mokopopat kon taḷáku? Diádon moonggot bo akuoi moiuḻid kon bonu in poḷoḷobongan, bo aka tayakon-Mu in akuoi, diá bidon mouḻí-Mu.”

AYUB 7:21 Referans Kwoze

DANIEL 12:2

Mobayong in kon sigad monia inta ain minatoi in mobiag bui; tongosilai in motarima kon kobiagan mononoi, bo tongosilai doman in motarima kon kohohina bo inta mokokoningkim inta mononoi doman.

AYUB 10:14

Iḷukadan-Mu in akuoi dika-dikabo mogaid kon noitaḷá sinbá diá ogoian-Mu in pongampungan.

YOHANES 1 1:9

Táe aka akuondon naton in taḷá mita naton kon i Allah, dá aidan-Neabí in onu inta ain pinodandi-Nea bo pobayá-Nea doman onu inta moadil. Ampungan-Neabí in bayongan dosa naton poḷat daritan-Nea doman in kita nongkon bayongan in oaid inta moraat.

YESAYA 64:9

Dá dikadon tumorú totok, kaasí Tuhan, dikadon monoro-norop kon dosa nami; indoiaidon kaasí in kami naa umat-Mu.

MOHOHUTUBA 12:7

Awak naton in mobuidon, mobaḻí ḷobud kon butá. Tompot kobiagan naton in mobuidon kon i Allah. Sia in nobogoi noponotabi.

YOHANES 1 3:5

Bo kinotaauan bidon monimu kon ki Kristus tua in namangoi sin motobut kon dosa mita intau, bo Sia tua in diábí kon dosa.

TITUS 2:14

Sia tuata inta ain noposarakan in awak-Nea sin mopoḷuat kon i naton nongkon bayongan inta moraat, bo kita in baḻíon-Nea tobatú umat inta noiḷuatdon nongkon kawasa in dosa bo tongádon mobaḻí umat-Nea inta morajing mogaid kon inta mopia.

YOHANES 1:29

Nopoikoḷomai kon singgai, indoianmai Yohanes ki Yesus namangoi kon inia. Bo ki Yohanes in noguman, “Indoiai, tuata in ki Adí in Domba i Allah inta momopat kon dosa in dunia.

HOSEA 14:2

Pobuidon mangoi kon i Tuhan Allahmu, ei bangusa in Israel! Dosamu ain nokopopisí kon inimu norondog bo noḷabú.

YESAYA 26:19

Umat-Mu inta ain minatoi in mobiagbí bui, awak mita monia in mobiagdon bui. Intau inta ain iḷobong kon bonu in butá in mobiagbí bo morogiow. Naonda bo oḷú inta mokoonow kon butá, Iko in momiag kon umat-Mu inta ain noonggot in minatoi.

MAZMUR 103:15

Intau naa in kobiagannea in motoyongbí naonda bo bonok; sia in mobiag naonda bo bungang kon gobá;

MAZMUR 37:36

Kon tungkuḷ in akuoi moitaḻib, sia in diá bidon onda, sinayakku in sia, táe diá nouḻíku.

AYUB 17:14

Poḷoḷobongan kon inakó tangoianku “Ki Amáku”. bo oḷuasi mita mongongarat kon awakku tangoionku “Ki Iná” bo “Ki utatku bobay”.

AYUB 10:9

Toropdon kon nongkon butá ḷamentong Pinomia-Mu in akuoi! Umpaka yo baḻíon-Mu bui in akuoi ḷobud?

AYUB 7:8

Tanaa Iko in noindoi kon inakó – táe diábí noonggot intua. Aka akuoi bain tayakon-Mu, dá diá bidon.

AYUB 3:13

Aka kuma bo kon dodai intua akuoi bo minatoidon, dá nosiugbí in akuoi bo nogogai takin pia-pia,

SAMUEL 2 24:10

Táe naonda in ki Daud nopaḷut nokiiap in bangusa tatua, irainea kon noitaḷádon in sia, bo sia noguman kon i Tuhan, “Oo Tuhan, binaradosadon totok in akuoi! Apungaidon in akuoi, sin aidku tatua in totokdon in nobodok.”

AYUB 8:1

Bo nosingogdon in ki Bildad, “Modapotpa in toonu in iko in mosingog natua? Singogmu mita naonda bo tompot inta mogirup moropot.

AYUB 13:19

Tuhan, aka Iko in mamangoi bo moponapud kon inakó, yo kibio-biómai in akuoi bo mogoḷat kon kopatoianku.

AYUB 27:19

Sia in mosiug saḷaku intau nooyúon, táe sia in diá motaau mopobui-buimai, Kon dodai in sia mobangon nongkon pinosiugannea, nobuḻidon komintan in kaoyúonannea.

AYUB 33:9

Iko in noguman, ‘Akuoi in nodarit, diábí in aidku noiḻimpat. Diábí in nokotor bo diábí nogaid kon noitaḷá.

AYUB 14:10

Táe aka intau in matoi, modaitdon in oumannea; sia in monaḷámai kon dunia, bo kon onda in bayáannea?

AYUB 20:8

Sia in mobuḻi naonda bo oḻinow in togoindop, moinggamá naonda bo oontongon kon dodai in doḷom.