AYUB 6:7 - Alkitab Singog In Mongondow Masa In Tanaa

⁷ Doíbí in akuoi moḻiai kon tua; mobú in akuoi aka mokaan kon tua.

AYUB 6:7 Referans Kwoze

DANIEL 10:3

Kon dodai intua diábí in akuoi nokaan kon kaanon inta mopia andeka ponoyá; akuoi in diábí nonginum kon anggur, bo diábí doman nonayi-nayidmai kon buok.

YEHEZKIEL 4:16

Onda intua Sia in noguman bui, “Ei intau inta ilo-ilow, Akuoi in monginggamábí kon tongkaaḷ in kaanon kon Yerusalem. Takin moondok bo mogagawang in intau mita in tongá uku-ukuron in mobogoi in kaanon bo inumon monia.

YEHEZKIEL 4:14

Táe akuoi in notubag, “Kaasí Tuhan Inta Totok in moḷantud! Pinangkoipamai kon mointokan nodapot in tanaa, diápa kon dodai in onda in akuoi in noponajis in awakku pinongin nokaan kon mahaḷuk inta minatoi andeka ki agat in mahaḷuk inta mokokaan kon mahaḷuk ibanea. Diábí kon dodai in onda in akuoi in nokaan kon kaanon inta iharam.”

MAZMUR 102:9

Kinoouput in singgai musung moningkuḻe kon inakó; tangoiku in binaḻí kutuk i intau mita inta tumorú kon inakó.

AYUB 3:24

Toḻiu in mongaan akuoi in mogamui, diá mogoga-gogai in akuoi mokuani.

DATU MITA IMITÁNEA 22:27

Poki pobonudon kon i monia in sia kon ponjara, bo tongádon ogoian in kaanon bo inumon tumongo piḻik modapot in akuoi mobui mangoi takin mosaḷamat.”

DATU MITA IMITÁNEA 17:12

Boba-bobay tatua notubag, “Pinodoyon kon i Tuhan inta nobiag, Allah inta sinumba i Amá, akuoi in mongibot kon diábí in roti kon inakó. Kon inakó in dongkadon topong torigu toyoyakup kon bonu in palo, bo ḷana in zaitun topilik kon botoḷ. Akuoi in yogot mosipun kon kayu pondungú tanaa sin podungúan kon bahan tongopilikpa tatua, sinbá akuoi bo ki adíku in mongaanpa. Dongkadon tua in imbuitnea in kaanon nami, bo mopaḷut mako kon tua mogoḷatdon mako in kami kon kopatoian.”

AYUB 6:6

Táe kaanon inta noḻiau, ki inebí in moibog? Diábí doman pusi in natu bo oyúon in nanamnea?

AYUB 6:8

Nongonu sin doíbí in ki Allah mokidongog kon sambayangku? Nongonu sin diábí pinandung-Neamai in kuaniku?

AYUB 33:20

Ki inta notakit doídon mongaan, umpaka kaanon inta totok in mopia táe mokototukadon.