AYUB 6:6 - Alkitab Singog In Mongondow Masa In Tanaa

⁶ Táe kaanon inta noḻiau, ki inebí in moibog? Diábí doman pusi in natu bo oyúon in nanamnea?

AYUB 6:6 Referans Kwoze

KOLOSE 4:6

Ramujidon sinbá onu in singogonmu tantú mokosanang bo koibog in intau. Bo musti kotaauan monimu naonda in pototubag kon onu in ḻibo-ḻibóon mita in intau.

IMAMAT 2:13

Bayongan kuruban sosumba musti ibungan simuton, sin simuton mobaḻí tanda dodandian i Allah bo i monimu. Dá bayongan sosumba musti ibungan.

LUKAS 14:34

“Simuton tua in mopiabí, táe aka moḻiaudon, yo degá motaaupa pogibung?

MAZMUR 119:103

Totuu mopia in tosingogon-Mu, noiḻiu kon koromimit in biluk!

AYUB 34:3

Kotaauan in intau kon kaanon tua in mopia naonda in konanamannea, bo tosingogon moarip aka indongogannea.

AYUB 12:11

Naonda bo diláku moibog monanam kon kaanon inta mopia, natua doman in bongoḷanku moibog mokidongog kon tosingogon.

AYUB 6:30

Degá kai monimukamai dá nonguboḷbí in akuoi, diá motaau mopoyoposi kon inta mopia bo inta moraat?

AYUB 6:25

Tosingogon mita inta motuḻid mokoonow kon gina, táe singogmu nion diá in bonunea, diá in mangaḻenea!

MATIUS 5:13

“Moiko nion in simuton in dunia. Aka simuton tatua moḻiaudon, yo onu in pogibung kon inia? Diá bidon in baragunanea, dongka bidon ḷumbúon bo koritakan in intau.

AYUB 6:5

Keledai in mooropbí aka pokaanon in bonok inta nonubu, natua doman in sapi aka ogoian in kaanonnea.

AYUB 6:7

Doíbí in akuoi moḻiai kon tua; mobú in akuoi aka mokaan kon tua.