AYUB 6:21 - Alkitab Singog In Mongondow Masa In Tanaa

²¹ Naonda bo ongkag tatuata in moiko, yobayatku; iko inumundok bo noondok in nokoontong kon rorigaku.

AYUB 6:21 Referans Kwoze

MAZMUR 38:11

Putúku in modoḷodok, ropotku in nodait, mataku in noyambotdon.

TIMOTIUS 2 4:16

Kon wakutu in sinidang dungkuḷ totok kon inakó, diá in tobatúmai intau naton in noyotakinku, komintandon nonaḷámai kon inakó. Táe poigumonku mako sinbá diá potaḷáan i Allah in mosia sin nogaid kon soaḷ natua!

MATIUS 26:56

Táe totuu kon tua in mustibí mobaḻí sinbá motompodon onu inta aindon pinais kon bonu in buk nabi mita.” Kon tua dumodudui-Nea noḷagui komintan nonaḷámai kon i-Nia.

MATIUS 26:31

Kon tua ki Yesus in noguman kon i monia, “Doḷom naa moḻiai in pirisaya monimu komintan kon i-Nakó; sin aindon pinais: Ki Allah noguman, ‘Akuoi in moḻimod kon gombala, bo domba mita tatua in moḷagui posibayá.’

YEREMIA 51:9

Intau ango-angoi inta nogutun kon tua in nosigumanan, ‘Kita in noḷongasidon notuḷung kon Babel, táe nolatdon! Maníka taḷaandon naton in butá tanaa bo mobui kon butá naton tontaní. Ki Tuhan in nohukumdon kon Babel totok in mobogat, bo norimumudon komintan.’ ”

YESAYA 2:22

Dá, dikabí umandoḷ kon intau inta mato-matoi naa, sin sia in diábí in mangaḻenea.

AMSAL 19:7

Intau bogá poompáanbímai i utatnea, apadoman yobayatnea. Naondaka in pororamujinea, sia in diábí mokogamá kon gina monia.

MAZMUR 62:9

Ei bangusaku, pongamangdon kon i Allah pomuḷoi mako; potaaudon kon i-Nia onu in kon bonu in ginamu, sin Siabí in tampat naton poniungan.

AYUB 13:4

Sin moiko in nogoḻingoi kon bodokmu takin uboḷ, diá noyoposi in mongongundam mita inta diá totuu.

AYUB 6:15

Táe moiko, ei yobayat mita, diá motaau pirisayaan bo pongata. Moiko in naonda bo ongkag inta noingkag, aka diádon monguya-nguyan.

AYUB 6:22

Nongonu? Degá oyúon in inigumku kon inimu? Andeka nopotabá kon inimu nobogoi in doit kon intau popisí in kopontinganku?

AYUB 19:19

Mokoontong kon inakó yobayatku modagin morongó; akuoi sinaḷáan monia inta kinotabiku.