AYUB 5:4 - Alkitab Singog In Mongondow Masa In Tanaa

⁴ Dá ki adínea mita in diábí nokoimontanmai in sinuḷungan; doíbí in moibog moduḷu kon i monia kon pongadilan.

AYUB 5:4 Referans Kwoze

MAZMUR 127:5

Pia in kamang totok in intau inta oyúon in tongkaaḷ piot mita ná tatua! Sia in diábí taḷowon, kon dodai in moyogintayow in musung kon pongadilan.

MAZMUR 119:155

Intau moraat in diábí posaḷamaton, popisí in diá dinumudui kon atorang-Mu.

AMOS 5:12

Kinotaauan-Ku kon totuudon moḷoben in aidmu moraat bo totuu mobayong in dosamu. Moiko in mondorot kon intau mopia; moiko in motarima kon sogó inta mopomayá mako kon intau bogá inta pinopoaidan in intau diá moadil kon pongadilan.

MAZMUR 7:2

Oo Tuhan Allahku, akuoi in moniung kon ini-Mu; posaḷamatdon bo poḷuatdon in akuoi nongkon bayongan in intau inta mogaḷo-gaḷow mako kon inakó.

AYUB 27:14

Aka ki adínea mobayong, yo mosia in matoi kon bonu in parang bo adí bo ompunea in mobiag mobogá.

AYUB 10:7

Sabanarnea in kinotaauan-Mubí bo nosadar, kon akuoi in diá kotaḷá, táe nobanarbí. Kinotaauan-Mubí kon tobatúmai intau diábí in mokotongod in moposaḷamat kon inakó nongkon kawasa-Mu.

AYUB 8:4

Degá ki adímu mita in binaradosadon kon i-Nia, dá patusbí in mosia ihukum-Nea.

AYUB 1:19

Bo daḻíbí in deḷang nogirup nongkon rawang in bungaion bo nondangat kon baḷoi tatua nodapot in noumpag bo noidantug kon i adí mita i Tuang dá minatoidon komintan in ki adí mita i Tuang. Tongádon akuoi naa in nobiag dá notaau namangoi nopotaau intua kon i Tuang.”

IḶUAIAN 20:5

Dika mosumba kon patong ná tatua, sin Akuoibí naa in ki Tuhan Allahmu, bo Akuoi in doíbí potongkaion in onuka. Intau mita inta moyaat in gina kon i-Nakó, hukumon-Ku modapot kon buí inta nogintoḷu bo noginggopat.

YOSUA 20:4

Sia in motaaubí in moḷagui mayá in kotá tobatú kon sigad in kotá mita tatua, bo mayá in pongadilan kon ngara moḷoben in kotá tatua, bo moginsilang kon itoi mita kon tua onu inta ain nobaḻí. Itoi mita tatua in mobogoidon kon inia tumuot in kotá tatua, bo mobogoi in tampat pogutunannea.

AYUB 20:10

Inta koḻipod sinakownea nongkon intau inta diá koonu bo onu musti toḻiuan i adínea mita.

AMSAL 24:7

Intau bodok in diábí mokodoḷop kon hikmat. Sia in diábí mokosingog kon onu bo onu aka intau koyogot in mongonguman kon inta moponting.