AYUB 40:8 - Alkitab Singog In Mongondow Masa In Tanaa

⁸ Degá bayowanmu in koadilan-Ku, bo mopobanar kon inimu bo mopotaḷá kon i-Nakó?

AYUB 40:8 Referans Kwoze

SURAT I PAULUS KON JAMAAT RUM 3:4

Tantú diábí natua! Sin notarang bidon kon ki Allah in tantúbí mobanar, umpakabí bayongan intau monguboḷ. Kon bonu in Buk motusi ain pinais nanaa, “Musti moiniata kon inimu kon totuu in onu inta siningogmu, bo iko in mountung kon dodai in iko hakimon.”

YESAYA 28:18

Dodandianmu takin popatoi bo yopakatmu takin dunia in intau minatoi in popatandon, dá aka bodito moiangoi, moiko in morimumud ritakan magí-mako.

AYUB 32:2

Táe kon tua oyúon in intau inta ki Elihu in tangoinea ki adí i Berakheel, buí i Bus nongkon inanakan i Ram. Sia in diádon nokotahang kon torúnea, popisí in ki Ayub ḷumabit kon totuu in sia bo mopotaḷá kon i Allah.

AYUB 10:3

Onubí in untungnea aka Iko mopororiga nanaa, bo moḷumbú kon inta pinomia-Mu tontaní? Onubí in untungnea aka tarimaan-Mu in raian bo tomayá in inta mongoraat mita?

IBRANI 7:18

Dá masa in tanaa atorang inta nokoyongandon in diádon pinaké, sin diádon in ropotnea bo diá domandon in baraguna.

GALATIA 3:17

Makusudku nanaa: Dandi i Allah aindon inaidan bo aindon muna pinosah. Tuamai hukum i Musa inta inogoi kon taong 430 noiduduimai, diábí motaau monginggamá kon tua andeka momopat kon dandi i Allah tatua.

GALATIA 3:15

Utat mita! Tanaa akuoi in momaké in contoh, inta nobaḻímai kon i naton pomuḷoi mako. Aka intau bo ain nogaid kon dodandian bo dodandian tatua aindon nosah, dá diá bidon tobatúmai in kon sigad monia tua in motaau monginggamá andeka modugang kon dodandian tatua.

YESAYA 14:27

Ki Tuhan Inta Totok in mokawasa ain nonantú kon mogaid kon natua. Sia in nopoyopadon in ḻima-Nea sin mohukum, bo diábí tobatúmai in intau mokoḷamboi kon i-Nia.

MAZMUR 51:4

Bataaidon in bayongan in aidku moraat; daritaidon in akuoi nongkon dosaku.

AYUB 10:7

Sabanarnea in kinotaauan-Mubí bo nosadar, kon akuoi in diá kotaḷá, táe nobanarbí. Kinotaauan-Mubí kon tobatúmai intau diábí in mokotongod in moposaḷamat kon inakó nongkon kawasa-Mu.

AYUB 13:18

Nosadia bidon in akuoi mopotaau in pelekaraku; moyakinbí in akuoi, diábí in akuoi motaau potaḷáan!

AYUB 16:11

Ki Allah in nobogoi kon inakó kon intau moraat; akuoi pinogonagnea kon kawasa in intau mokotor.

AYUB 19:6

Pokotaaudon kon akuoi naa in koyogot iroriga i Allah, bo dinomok kon bonu in poyogaḷap-Nea.

AYUB 34:17

Degá ki Allah inta moadil bo inta motorindog tua in potaḷáanmu? Degá kainimukamai dá doíbí in ki Allah in moadil?

YESAYA 45:9

Moboditodon in intau inta mobobayowan takin i Inta nomaḻí kon inia; sia in naonda bo kuyon inta moḷawang kon intau inta nomia kon inia. Eta degá ḷamentong moḻibó kon mogogaid kon kuyon, “Koyogot mongonu in iko?” Degá kuyon mogamui kon inta nogaid kon inia in diá motaau?

AYUB 32:1

Popisí in ki Ayub in noyakin totok kon sia in diábí kotaḷá, dá totakinnea taya toḷu tua in doídon notubag kon inia bui.

YESAYA 43:26

Poponoropdon kon i-Nakó, igai in kita mayá in pongadilan, pongadudon in pelekaramu sinbá moniatadon kon iko in totuu.