AYUB 40:14 - Alkitab Singog In Mongondow Masa In Tanaa

¹⁴ Dá dayowon-Kubí in iko sin iko in nountung takin ropotmu tontaní.

AYUB 40:14 Referans Kwoze

SURAT I PAULUS KON JAMAAT RUM 5:6

Wakutu in kita diádon kodaya, ki Kristus in pinokurubandon sin kopontingan naton pinotombubung kon wakutu inta ain sinantú i Allah; bokaka kita in intau mita inta noyayú nongkon i Allah.

YESAYA 40:29

Sia in moginropot kon intau inta moḷopí, moporigon kon gina monia inta diá kodaya.

MAZMUR 44:6

Pinodoyon kon kawasa-Mu kami in nonaḷow kon musung nami, bo nopotungkud kon intau mita inta nonubu kon inami.

MAZMUR 44:3

Iko tontaní in noguntun kon bangusa mita sinbá umat-Mu in mogutun motantú kon butá monia. Bangusa mita ibanea pinobodito-Mu, táe umat-Mu in pinomayá-Mu mako in kodugangannea.

AYUB 40:13

Ḷobongdon in mosia komintan kon bonu in ḷobud; kobangdon in mosia kon bonu in dunia intau minatoi.

AYUB 40:15

Taridika in Behemot, ki mahaḷuk tuyá; ná iko, sia in Akuoi doman in nomaḻí. Bonok mita in nobaḻí kokaanonnea, naonda bo sapi bo biag biasa.