AYUB 4:19 - Alkitab Singog In Mongondow Masa In Tanaa

¹⁹ Apapa doman mahaḷuk nongkon butá ḷamentong mahaḷuk ḷobud inta motaau romputon naonda bo sisik!

AYUB 4:19 Referans Kwoze

AYUB 10:9

Toropdon kon nongkon butá ḷamentong Pinomia-Mu in akuoi! Umpaka yo baḻíon-Mu bui in akuoi ḷobud?

KINOBAḺIAN 2:7

Onda intua ki Tuhan Allah in nogamá kon butá bodongka pinomia-Nea in tobatú intau, bodongka pinopoirupan in tompot inta mobogoi in kobiagan, pinopoirup kon bonu in ngiungnea; dá nobiagdon intau tatua.

AYUB 33:6

Sin kon i Allah, iko bo akuoi in diábí in yoposinea nongkon butá ḷamentong pinomia-Nea in kitada.

KINOBAḺIAN 3:19

Iko totok in rumoriga in mogaid modapot in uḷatan sinbá butá mobogoi in boyó kon inimu, modapot in iko mobui mobaḻí butá, sin iko in pinomiabí nongkon butá. Iko in pinomia nongkon butá, bo bui mobaḻí butá.”

KORINTUS 2 4:7

Táe kaoyúonan inta mopia nongkon soroga tua in ná bí kon bonu in awak nami inta inaidan nongkon butá ḷamentong, sinbá moniatadon kon ropot moḷoben kon inami naa in nongkon i Allahbí, deemanbí nongkon inami tontaní.

MAZMUR 39:11

Gamádon bui in hukuman-Mu nongkon inakó, sin akuoi in gogiódon matoi in kinotugatan in sambok-Mu.

AYUB 13:28

Dá noyapakdon in akuoi ná kayu ampod; naonda bo daing kinarat in anoi sinumopad.

AYUB 13:12

Bayongan in tongginamu naonda bo ḷobud inta diá in baragunanea; pobelaanmu ná butá motobai inta mogampang moitabud.

KINOBAḺIAN 18:27

Ki Abraham in bui noguman, “Ampungaidon akuoi Tuhan, sin akuoi ain noiḷaut nongingguput kon tosingogon-Mu tanaa. Akuoi naa in tongábí intau inta nongkon ḷobud, inta diábí in hak mopoyaput in tosingogon onuka.

PETRUS 1 1:24

Kon bonu in Buk Motusi pinaisdon nanaa: “Bayongan in intau kon dunia naa naonda bo bonok, bo bayongan in kamuliaannea naonda bo bungai in bonok. Bonok moḷaḷow, dá bungainea in mototak doman;

KORINTUS 2 5:1

Sin kinotaauanbí nami kon aka baḷoi – makusudnea awak naton – inta pinogutunan naton kon dunia naa bo rumbunon, yo posadiaanbí i Allah in kita kon baḷoi inta kon soroga. Tampat inta pinomia i Allah tontaní bo inta diá mogogu-goguyaat.

MOHOHUTUBA 12:7

Awak naton in mobuidon, mobaḻí ḷobud kon butá. Tompot kobiagan naton in mobuidon kon i Allah. Sia in nobogoi noponotabi.

MAZMUR 146:4

Aka mosia matoi, mosia in buibí mobaḻí butá; singgai doman tatua bayongan in tomayá monia modait.

AYUB 22:16

Mosia in irabut kon dodai in deemanpa wakutunea matoi, bo iniḻig in ḷunud inta namuntag.

AYUB 14:2

Monubu in sia bo moḷaḷow naonda bo bungang; moinggamá naonda bo oḻinow, bodongka mobuḻi.

AYUB 25:6

Apadoman intau, ki oḷuasi, ki pangkoḷá! Kon mata i Tuhan, sia in totuubí kon diá koboḻi.”