AYUB 39:26 - Alkitab Singog In Mongondow Masa In Tanaa

²⁶ Degá ḷagapan boniá in sinundúmu iḷumayug aka sia mopobayá in toḷatan takin koḻikip inta noibuká mako?

AYUB 39:26 Referans Kwoze

YEREMIA 8:7

Ḷagapanpa bangow in kotaauanneabí in wakutunea mobui; tarangkuku, ḷagapan tansibí bo murai in monotaau doman kon wakutunea momamping kon tampat. Táe moiko, umat-Ku, in diábí nonotaau in hukum mita inta inogoi-Ku kon inimu.

DONDONG MOḶANTUD 2:12

Kon gobá bungang mita nongomusirdon; sempo in morapad noiangoidon; singog in tarangkuku kinodongogan kon butá naton.

IMAMAT 16:11

Naonda in ki Harun moposumba bo moratá kon sapi koḷakian inta nobaḻí kuruban potobut kon dosanea bo tombonu in baḷoinea,

AYUB 39:25

Sia in moganggor pomuḷoi in torompet irupon nongkon noyayú kobóannea in bó in poparangan. Dinongognea in baḷú in porwira mita kon dodai in mosia mobogoi in tompoingat.

AYUB 39:27

Parentamu degá inta dinuduian in ḷagapan boniá kon dodai in sia diápa nomia kon pugadnea kon buḷud inta moḷantud?