AYUB 38:7 - Alkitab Singog In Mongondow Masa In Tanaa

⁷ kon tungkuḷ in tundi mita in doḷo-doḷom nodondong noyotakin bo mahaḷuk mita in soroga moronggoḷokap takin pia in gina.

AYUB 38:7 Referans Kwoze

WAHYU 5:11

Noiduduimai oyúon in inontongku bui. Akuoi in nokodongog kon singog in malaekat inta ribuan sedang bo jutaanbí in kobayongnea. Mosia in sinimindog iḻimibu kon tampat pomomarentaan bo kon mahaḷuk opat tatua takin itoi mita tatua.

AYUB 1:6

Kon singgai tobatú mahaḷuk mita in soroga namangoi kon tayowon i Tuhan, bo Ibilis in kon sigad doman monia.

WAHYU 22:16

“Akuoi, ki Yesus, ain nopotabá mangoi in malaekat-Ku kon i monimu, sinbá sia mopotaau in soaḷ mita inta pakéon kon kopontingan in jamaat mita. Akuoi naa in buí i Daud; Akuoibí naa in tundi dotá in pomukaan inta motarang totok tua.”

WAHYU 2:28

Mosia in motarimabí kon tundi in pomukaan nongkon i-Nakó.

MAZMUR 104:4

Tompot in binaḻí totabá-Mu, bo kilat in mobobantung-Mu.

AYUB 2:1

Mahaḷuk mita in soroga bui namangoi kon i Tuhan, bo Ibilis in kon tua doman.

ZAKHARIA 4:7

Ḷonggai nákabí koḷoben in buḷud yo moigambatbí nongkon tayowonmu. Iko in buibí moposindog in Baḷoi-Ku, bo kon dodai in iko mogukat kon batu dungkuḷ kon tampatnea, intau mita in momaḷúdon, ‘Totuu mopia ah!’ ”

KINOBAḺIAN 1:16

Dá ki Allah nomaḻí kon barang ponimbayag inta moḷoben, mata in singgai in tangoinea inta mongawasa kon wakutu in singgai, bo buḷan inta mongawasa kon wakutu in doḷom; koḻikud intua binaḻí-Nea doman in tundi mita.